Friday , March 29 2024

15 pulis sinibak (Sleeping on-duty)

SINIBAK sa puwesto ang 15 pulis makaraan mahuling natutulog sa presinto ng Gagalangin sa Tondo, Maynila, nitong 23 Agosto.

Sa mga retrato na inilabas ng National Capital Region Police Office (NCRPO), makikita ang mga tulog na pulis.

Kuha ito ng isang complainant na dumulog sa NCRPO, dahil bukod sa hindi tinugunan ang kanyang idinulog na reklamo sa nasabing presinto, pinagalitan pa umano siya ng mga natutulog na pulis. Ayon kay NCRPO Chief Oscar Albayalde, base sa kuwento ng biktima na tumangging magpakilala, nagpunta siya sa presinto para i-report ang ninakaw na motorsiklo.

Ngunit dahil hindi tinulungan ang biktima, umalis na lang siya imbes magpa-blotter.

Nakatalaga sa night shift ng Gagalangin Police Community Precinct (PCP) ang 15 pulis na sinibak sa puwesto, kabilang sina PCP Commander PSINSP Anthony Co, PO3 Nelson DG. Geronimo, PO3 Avelino T. Guibao, Jr., PO3 Geronimo M. Ramo, PO2 Carlito V. Dela Cruz, PO1 Percival F. Doroja, PO1 Aladin P. Arguelles, PO1 Arnold S. Regala, PO1 Cathlyn C. Cauan, PO1 Joe Ronie A. Obillo, PO1 Romeo M. Balagtas, Jr., PO1 Carlo L. Farmis, PO1 Janette G. Banatao, PO1 Leo Dave A. Legaspi, at PO1 Beatriz R. Danguilan.

Isasailalim sila sa retraining at naka-floating ang status nila ngayon sa National Capital Region Police Office (NCRPO) habang iniimbestigahan ang kaso.

Ayon sa Manila Police District (MPD), na nakasasakop sa Gagalangin PCP, magkakaroon ng panibagong balasahan sa kanilang mga istasyon bunsod ng insidente.

Paalala ni Senior Supt. Danilo Macerin ng MPD, responsibilidad ng mga pulis na magresponde sa ano mang reklamo.

Samantala, hindi pa nagbibigay ng pahayag ang mga nasibak na pulis kaugnay ng insidente, ayon sa NCRPO.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *