Wednesday , November 21 2018
Breaking News
You are here: Home / News / Kleriko, HR advocates ‘tahimik’ vs adik, terorista — Digong
Kleriko, HR advocates ‘tahimik’ vs adik, terorista — Digong

Kleriko, HR advocates ‘tahimik’ vs adik, terorista — Digong

TIKOM ang bibig ng mga pari at human rights advocates sa mga karumal-dumal na krimen na kagagawan ng mga drug addict at ng mga terorista na ang biktima’y mga inosenteng sibilyan.

Ito ang pahayag ni Pangulong Rodrigo Duterte kaugnay sa pagbatikos ng mga pari at human rights advocates sa mga pulis na nagpapatupad ng drug war sa ilalim ng kanyang administrasyon.

Kapag pinatay ng mga terorista ang mga sundalo, wala rin aniyang kibo ang mga pari at human rights advocates.

READ MORE:  JDI nagkaloob ng Sureseal, construction materials sa GK community

“Namatay ang lima sa isang pamilya sa Bulacan, maski bata pinagsasaksak ng addict, wala akong narinig na outrage ng pari at human rights, kapag marines ko namatay, wala man lang kumibo sa kanila,” anang Pangulo sa kanyang talumpati sa anibersaryo ng Eastern Mindanao Command, kahapon.

READ MORE:  Justices, transparent sa SALN (Bwelta kay PNoy ng SC)

MASINSINANG kinakausap ni President Rodrigo “Digong” Duterte sina Philippine National Police (PNP) Director General Ronald Dela Rosa at Special Assistant to the President Christopher Lawrence Go nang personal na nakiramay sa nagdadalamhating pamilya ng mga biktima ng masaker sa San Jose del Monte City, Bulacan, kahapon. (JACK BURGOS)

Naging kritikal sa drug war ng Pangulo ang Simbahang Katoliko dahil sa anila’y paglobo ng bilang ng extrajudicial killings sa bansa dahil sa drug war.

READ MORE:  PNoy paid ads itinanggi ng Palasyo (Para sa reelection sa 2016)

Inamin ng Pangulo na galit siya kay Commission on Human Rights (CHR) Chairman Chito Gascon dahil ikalawang araw pa lang ng Marawi crisis ay panay na ang batikos sa ipinatupad niyang martial law sa Mindanao.

Kamakalawa ay galit na binatikos ng Pangulo si UN Special Rapporteur Agnes Callamard nang sabihin na si Kian delos Santos ay biktima ng drug war ni Duterte.

Anang Pangulo, hindi sitio ng France ang Filipinas kaya walang pakialam si Callamard, isang Pranses, sa internal na usapin ng bansa.

(ROSE NOVENARIO)

 

COMMENTS

About Rose Novenario

Scroll To Top
 

Copyright hatawtabloid.com | All Rights Reserved