Tuesday , September 25 2018
Breaking News
You are here: Home / News / Smuggling ni Pampi imbestigahan — Palasyo
Smuggling ni Pampi imbestigahan — Palasyo

Smuggling ni Pampi imbestigahan — Palasyo

DAPAT imbestigahan ang ibinunyag ni dating Customs Commissioner Nicanor Faeldon na sangkot sa bigtime smuggling ang anak ni Sen. Panfilo Lacson.

Sinabi ni Presidential Spokesman Ernesto Abella, kailangan din isailalim sa pagsisiyasat ang isiniwalat ni Faeldon laban kay Panfilo “Pampi” Lacson Jr. na sabit sa smuggling.

“Well, that also has to be verified, that also has to be — to undergo proper investigation,” ani Abella.

Sa press conference kahapon, sinabi ni Faeldon, na ayon sa Cement Manufacturers’ Association of the Philippines, ang Bonjourno, kompanyang pagmamay-ari ni Pampi, ang “biggest cement smuggler.”

Sa puhunan aniya ng Bonjourno na P20,000 ay nakapagpasok ito ng 67 ship loads ng semento na may halagang P4.6 bilyon at gusto lang bayaran ang kalahati ng freight cost.

READ MORE:  P.5-M korona ‘naglaho’ sa Luneta

“We discovered the smuggled shipment during [our] first 12 days of office in Customs,” ani Faeldon.

“I guarantee you, Senator Lacson, the document your son presented to me wasn’t genuine,” dagdag ni Faeldon.

Aniya, gusto ni Lacson na siraan siya at mga opisyal niya at nais ng senador na mawala sila sa puwesto dahil tinatrabaho nila ang mga smuggler na nasa hawak niyang listahan.

“You want to destroy people like me and the officers on my team, you want us out because of this,” sabi ni Faeldon habang iwinawagayway ang hawak na listahan.

READ MORE:  50,800 trabaho sa P300-B investments resulta ng SoKor trip

(ROSE NOVENARIO)

ANAK ISASALANG
SA IMBESTIGASYON

BUKAS si Sen. Panfilo Lacson na paimbestigahan mismo ang kanyang anak na si Pampi Lacson sa alegasyong sangkot sa cement smuggling.

Una rito, ibinunyag ni dating Customs Commissioner Nicanor Faeldon, dawit sa bilyon-bilyong smuggling si Pampi dahil sa undervalue ang deklarasyon ng mga ipinapasok na semento, sa pamamagitan ng kompanyang Bonjourno.

Ayon sa senador, wala siyang partisipasyon sa hanapbuhay ng anak at bahalang sumagot si Pampi sa ano mang akusasyon.

Aniya, nang makausap niya si Pampi, pinayohan lamang niya ang anak na ihanda ang mga dokumento para patunayang malinis ang mga transaksiyon sa pag-import ng mga kargamento.

Ang naging papel daw ng Senador sa kompanya ng anak ay walang iba kundi ang pagpapa-photo copy ng mga papeles para makakuha ng PS mark sa mga produkto.

READ MORE:  Walang krisis o hoarding ng sibuyas — Agriculture

Hindi rin umano niya papatulan ang mga personal na banat sa kanya ni Faeldon dahil nasabi na niya sa privilege speech ang kinakailangan niyang ibunyag.

Kung may pagkakasala aniya at sangkot ang kanyang anak sa korupsiyon ay siya mismo ang mag-iimbestiga. (CYNTHIA MARTIN)

 

COMMENTS

About Rose Novenario

Scroll To Top
 

Copyright hatawtabloid.com | All Rights Reserved