Saturday , November 17 2018
Breaking News
You are here: Home / Opinion / May pakiramdam ba si CAAP DG Capt. Jim Sydiongco!? (Attn: DOTr Sec. Tugade)
May pakiramdam ba si CAAP DG Capt. Jim Sydiongco!? (Attn: DOTr Sec. Tugade)

May pakiramdam ba si CAAP DG Capt. Jim Sydiongco!? (Attn: DOTr Sec. Tugade)

NAITANONG natin ‘yan, dahil napag-alaman natin na of all airports sa buong Filipinas, pinakamataas pala ang singilan ng terminal fee sa Kalibo International Airport (KIA).

Kung ang ibang airports daw ay naniningil ng P500 kada terminal fee, bukod tangi na ang Kalibo International Airport ay naniningil ng P700 terminal fee per person sa international!

Wattafak!?

Pero ang masaklap, sandamakmak na reklamo ang natatanggap natin tungkol sa poor services ng airport kahit ganoon kataas o kamahal ang kanilang terminal fee?!

Bukod daw sa napakasikip, dapat daw ay mag-sando at mag-shorts na lang kapag dadaan sa nasabing airport.

Kasi, daig pa raw ng nagbabagang pugon ang lumalabas na init sa mga bulok na airconditioning system nila!

Para ka na rin daw nag-sauna kapag pumasok ka sa KIA.

Hindi lang ‘yan!

Napakaraming foreigners ang natatapilok kapag naglalakad sa naturang airport dahil hindi maipagawa ang flooring na nakaangat na ang mga tiles at puro basag na!

King enuh!

Nakahihiya naman ‘yan?!

Ano na lang ang sasabihin ng mga turistang nagpupunta sa Boracay na P700 terminal fee?!

Sonabagan!!!

Hindi bababa sa 5,000 ang bilang ng banyagang turista ang dumarating araw-araw sa Kalibo airport dahil 24/7 ang operations nito.

Saan bulsa ‘este napupunta ang terminal fee!?

READ MORE:  Palace blogger pambansang palengkera!?

And to make matters worse, huwag ka na raw magtaka kung may makita kayong mga turistang naglulundagan dahil sa mga naghahabulang daga sa area na sinlalaki na ng mga pusa.

Yuckks!

Alaga kaya ng CAAP Kalibo terminal manager ‘yang mga dagang ‘yan?

Well, I doubt kung aware riyan si CAAP Manager. Balita kasi na bukod sa Iloilo International Airport ay siya rin pala ang CAAP manager ng KIA.

Sus, kaya naman pala! Moonlighting to the max pala si Sir!

Dapat siguro, minsan ay mamasyal si DOTr Secretary Arthur Tugade sa nasabing paliparan para makita naman niya ang nakaririmarim na pasilidad ng Kalibo International Airport!

Anyway, dedmakels pa rin ba si CAAP DG Capt. Jim Sydiongco sa mga panawagan sa kanya!?

O masyadong busy lang sa bidding-bidingan diyan sa CAAP?

No need for online
appointments
OFWs PRIORITY NA
SA PAGKUHA
NG PASSPORT

GOOD NEWS sa lahat ng overseas Filipino workers (OFWs).

Exempted na sa online appointments ng Department of Foreign Affairs (DFA) ang halos 400,000 OFWs na kukuha ng passports para sa pagtatrabaho nila sa labas ng bansa.

Napagdesisyonan ito ng DFA dahil maraming OFWs ang nawalan ng oportunidad na makapagtrabaho sa labas ng bansa dahil inaabot nang dalawa hanggang tatlong buwan ang nakukuha nilang online appointments.

Sakali mang nakakuha ng appointments sa pagkuha ng passport, maghihintay pa rin nang halos mahigit isang buwan bago mai-release ang passport.

READ MORE:  Mga pekeng sigarilyo sa Balintawak market

Dahil umano sa ganyang sitwasyon, imbes makakuha agad ng trabaho, nababaon pa sa utang ang mga nagpaplanong maging OFW.

Ayon kay DFA undersecretary Jose Montales inaprubahan na ang hiling ng overseas recruitment industry na ang new applicants para sa overseas jobs ay hindi na kailangan dumaan sa proseso ng online appointments system sa Consular Affairs Office.

Sa rekord ng Philippine Overseas Employment Administration (POEA), mayroong 250-300 OFWs na kailangan ng land-based agencies at 100,000 OFWs para naman sa sea-based na nangangailangan ng passport pero dahil sa prosesong online appointments na halos inaabot nang tatlong buwan hindi ito napunuan ng manpower agencies.

Ang magiging resulta nito, kukuha ang mga nasabing kompanya sa ibang bansa para mapunuan ang kinakailangan nilang manpower.

Sa pakikipagpulong nina Federation of Manpower Exporters Inc. (FEDEMANEX) President Alfredo Palmiery at Coalition of Licensed Agencies for Domestic and Service Workers (CLADS) President Lucy Sermonia sa DFA officials, nakuha nila ang commitment ni USec. Montales na hindi na idadaan sa proseso ng online appointments ang mga bagong OFW na mayroon nang employer na POEA Accredited principal; at may endorsement ng FEDAMANEX at CLADS.

Lalagyan sila ng special OFW Lane sa Passport Offices sa buong bansa. Magdaragdag umano ang DFA ng machines and personnel sa regional offices at palalawakin ang Mobile Passporting Services (MPS).

READ MORE:  Walang pumapatol kay Joma

Sa mga mapanganib na lugar a ibang panig ng mundo, ang DFA Consular team ay pupunta roon para sa renewal ng passports ng OFWs.

Wow!

Nakatutuwa naman talaga ‘yan. Malaking tulong para mabawasan ang mga Pinoy na walang trabaho. Pero sana, para maging lubos ang paglilingkod sa OFWs, bawasan din ng DFA ang singil sa kanilang passport na umaabot sa P1,200.

Lalo na ngayong hindi sila makapagbigay ng garantiya na kaya nilang i-release ang passport sa tamang panahon…

Ang pinakamabilis yatang pagre-release ngayon ng passports ay halos isang buwan?!

Kailan ba ulit babalik sa dating 3-day to 7-day express release ang Philippine passports at 14 days kapag regular release?

DFA Secretary Allan Peter Cayetano Sir, mukhang kailangan ninyong tutukan ang bagay na ‘yan.

 

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

 

BULABUGIN
ni Jerry Yap
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved