Tuesday , September 25 2018
Breaking News
You are here: Home / News / Drug store lumabag sa Senior Citizen Act
Drug store lumabag sa Senior Citizen Act

Drug store lumabag sa Senior Citizen Act

INAMIN ni Atty. Teresa Mikaela Macaspac ang legal services officer ng kompanyang Mercury Drug, na kanilang ipinapasa sa drug manufacturers ang mga diskuwento ng bawat customer nilang senior citizen, na maituturing na paglabag sa isang probisyon ng Senior Citizens Act.

Ang pag-amin ay ginawa ni Macaspac sa kanyang pagdalo sa pagdinig ng House Committee on Trade and Industry na pinamumunuan ni Congressman Ferjenel Biron.

Ikinagulat ni Biron ang sistemang ito ng naturang kompanya dahil ito aniya ay hindi makatarungan.

READ MORE:  Electoral sabotage inihain vs Comelec, Smartmatic, PPCRV

Ipinagtaka rin ni Biron na sa kabila ng malaking kita ng kompanya ay nagagawa pa ang naturang sistema.

Tinukoy ni Biron sa pagdinig na kumita ang kompanya noong nakalipas na taon ng US$2 bilyones kung kaya’t maituturing na hindi tama ang naturang pamamaraan.

Habang tumanggi si Macaspac na kompirmahin ang ibinunyag ni Biron na kinita ng kompanya, aniya wala siyang nalalaman sa accounting at finance department ng Mercury.

READ MORE:  Negosyante nilooban anak niluray

Iginiit ni Biron, hindi rin tama na ikompara ng malalaking kompanya ng drug stores ang kanilang kinikita at puhunan sa maliliit na drug store companies.

Sinabi ni Alberto Echenova, ang pangulo ng Drug Stores Association of the Philippines, hindi kakayanin ng mga katulad nilang maliliit na kompanya ng drug stores ang pagsagot sa mga diskuwento ng senior citizens lalo’t maliliit ang kanilang puhunan at kompanya.

READ MORE:  2 tulak tigbak sa parak

Magugunitang ipinanukala ni Biron ang pagsusuri sa implementasyon ng Republic Act 9502 o Universal and Quality Medicine Act of 2008 at pagkakaroon ng Drug Price Regulatory Board, na naglalayong magkontrol at magbantay sa presyo ng mga produkto ng gamot lalo ang mga gamot sa ilang karamdaman.

(NIÑO ACLAN)

COMMENTS

About Niño Aclan

Scroll To Top
 

Copyright hatawtabloid.com | All Rights Reserved