Thursday , September 20 2018
Breaking News
You are here: Home / Showbiz / Bela, naiyak nang manood ng rushes ng isinulat niyang pelikula nina Toni at Piolo
Bela, naiyak nang manood ng rushes ng isinulat niyang pelikula nina Toni at Piolo

Bela, naiyak nang manood ng rushes ng isinulat niyang pelikula nina Toni at Piolo

PASOK ang 100 Tula para kay Stella movie mula sa Viva Films nina Bela Padilla at JC Santos sa 2017 Pista ng Pelikulang Pilipino na magsisimula sa Agosto 16-22 kaya naman ang ganda ng ngiti ng aktres.

Hindi si Bela ang nagsulat ng script kundi ang direktor na si Jason Paul Laxamana, “artista lang po ako rito sa movie, ito lang po ang partisipasyon ko,” saad ni Bela nang makatsikahan namin sa Viva office noong Miyerkoles.

Kaya namin ito naitanong ay dahil nagsusulat na rin ng script si Bela at sa katunayan, siya ang sumulat ng pelikula nina Toni Gonzaga at Piolo Pascual na ire-release ng N2 Production, Starcinema, at Spring Films na idinirehe ni Joyce Bernal na ipalalabas na sa Setyembre.

“Wala pa nga po akong maisip na title kasi nahihirapan kami kung ano, pero naibigay ko na, ‘We Begin When It Ends’,” sabi ng aktres.

Tinanong namin kung tapos na silang mag-shoot dahil sa September na ang showing.

“Yes, patapos na ang shooting ng pelikula. Nakaiiyak kapag nanonood ako ng rushes.

“Parang tanga, kahit ‘yung mga eksena na light lang, umiiyak ako, kasi nakikita ko na nangyayari ang mga eksena. Tapos, nakakikilig sila (Piolo and Toni),” kuwento ng aktres.

Naikuwento pa ni Bela na ilang gabi siyang hindi makatulog nang malaman niyang si Toni ang bidang babae dahil super fan siya nito.

“Kaya nga po noong nagso-shooting sila, nasa isang tabi ako na-starstruck ako at niloloko nga ako na lapitan ko, sabi ko ayoko, nahihiya ako kaya nandoon lang ako sa tabi ni direk Joyce kasi trainee niya ako (directing),” natatawang kuwento ni Bela nang makita si Toni.

FACT SHEET – Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved