Tuesday , September 25 2018
Breaking News
You are here: Home / Showbiz / Sarah, mahigpit na yakap ang isinalubong kay Matteo
Sarah, mahigpit na yakap ang isinalubong kay Matteo

Sarah, mahigpit na yakap ang isinalubong kay Matteo

NAKITA namin ang isang short video, most probably kuha lang ng isang fan o isang by stander, nang sorpresang dumating si Sarah Geronimo sa Ironman competition sa Cebu para magbigay ng moral support sa kanyang boyfriend na siMatteo Guidicelli. Ang higpit ng biglang yakap ni Matteo nang makita ang kanyang girlfriend. Wala siyang pakialam kahit na basa siya ng pawis dahil sa katatapos na competition. Ang higpit din naman ng yakap ni Sarah. Basta ganyan na ang nakikita mo, at iyan naman ay hindi masasabing,”ginagawa lamang on cam,” dahil talagang candid video iyon, masasabi mo ngang talagang nagmamahalan sila ng totoo.

READ MORE:  Angelica Feliciano, kaliwa’t kanan ang endorsement

Isipin ninyo iyong bumiyahe pa si Sarah sa Cebu para lamang magbigay ng moral support kay Matteo sa kabila ng marami rin niyang trabaho sa Maynila, talagang ganoon nga ang dapat na reaksiyon ni Matteo. Kung napansin din naman ninyo, hindi naman kasali si Matteo sa Finally Found Someone, pero todo promote siya niyon sa kanyang mga social media accounts, at talagang tuwang-tuwa siya noong maging isang malaking hit ang pelikula ng kanyang girlfriend.

Kaya makikita mo rin naman na ang pagbibigay nila ng suporta ay mutual lamang. Nagmamahalan sila eh. Darating naman ang araw na magiging isang pamilya sila.

READ MORE:  Kinabog ng mga back-up singers

Marami na rin namang dinaanang love story iyang si Sarah, pero sa totoo lang, ngayon lang namin nakitang ganyan siya kaseryoso. Siguro kasi noong mga panahong iyon naman ay bata pa siya, at natural lang naman ang paghihigpit ng mga magulang kung inaakala nilang bata pa ang kanilang anak, kaya walang nangyayari. Ngayon naman nakita siguro nila na nasa tamang edad na rin naman si Sarah, nakapagpundar na naman iyon para sa kanilang pamilya. Higit sa lahat nakita naman siguro nila na disenteng tao na galing din sa isang disenteng pamilya si Matteo at hindi naman lolokohin ang kanilang anak kaya mas nagiging malaya na ngayon ang dalawa.

READ MORE:  Inah, hilig talaga ang pag-aartista

Kung kami ang tatanungin, bagay sina Sarah at Matteo talaga.

HATAWAN – Ed de Leon

COMMENTS

About Ed de Leon

Scroll To Top
 

Copyright hatawtabloid.com | All Rights Reserved