Friday , March 29 2024
ISINIGAW ng mga gurong miyembro ng Alliance of Concerned Teachers (ACT), kasama ang mga estudyante at magulang sa kanilang kilos protesta, ang apela kay Pangulong Rodrigo Duterte na huwag i-veto ang Senate Bill No. 1304 at House Bill No.5633 o ang Free Higher Education Act. Inihayag ni Senior Deputy Executive Secretary Menardo Guevarra, pinirmahan na ng Pangulo ang libreng tuition sa state universities and colleges (SUCs), nitong Huwebes. (ALEX MENDOZA)

Tuition free sa state Us, colleges nilagdaan ng pangulo

ISINIGAW ng mga gurong miyembro ng Alliance of Concerned Teachers (ACT), kasama ang mga estudyante at magulang sa kanilang kilos protesta, ang apela kay Pangulong Rodrigo Duterte na huwag i-veto ang Senate Bill No. 1304 at House Bill No.5633 o ang Free Higher Education Act. Inihayag ni Senior Deputy Executive Secretary Menardo Guevarra, pinirmahan na ng Pangulo ang libreng tuition sa state universities and colleges (SUCs), nitong Huwebes. (ALEX MENDOZA)

PINIRMAHAN na ni Pangulong Rodrigo Duterte ang panukalang batas na magbibigay ng libreng tuition sa state universities at colleges (SUCs), nitong Huwebes, ayon kay Senior Deputy Executive Secretary Menardo Guevarra.

Pinirmahan ni Duterte ang batas, sa kabila ng pag-aalangan ng ilang miyembro ng economic team niya sa gagastusin ng gobyerno upang pasanin ang libreng tuition.

Nauna nang sinabi ni Budget Secretary Benjamin Diokno, maaaring hindi kayanin ng gobyerno na pasanin ang libreng tuition sa SUCs, at maaaring maglabas ng P100 bilyon ang gobyerno kada taon para rito sakaling maging batas ang panukala.

Isinaalang-alang aniya ng pangulo ang pangmatagalang epekto at benepisyo na idudulot ng libreng tuition sa publiko, ayon kay Guevarra.

Dagdag ni Guevarra, maaaring ibinase ni Diokno ang kanyang kalkulasyon sa pag-aakalang ipatutupad nang sabay-sabay ang lahat ng aspekto ng batas, kasama na ang non-mandatory provisions.

Base sa datos ng Commission on Higher Education, kakailanganin ng inisyal na halagang P16 bilyon upang maipatupad ang mga kondisyon ng batas, gaya ng libreng tuition at miscellaneous fees, ani Guevarra.

Pinag-uusapan na rin sa Kongreso ang 2018 budget, na kailangan din isaalang-alang ang bagong pirmadong batas, dagdag niya.

Umaasa ang gobyerno na makatatanggap ng tulong at grants mula sa mga lokal at international donors para maipatupad ang batas.

Epektibo man ang batas, 15 araw matapos itong maimprenta sa diyaryong may pangmalawakang sirkulasyon sa bansa, mararamdaman ang mga benepisyong dulot nito sa susunod na enrollment.

Magtatatag ang Unified Student Financial Assistance System for Tertiary Education board ng pondo upang magbigay ng tulong pinansiyal para sa iba pang gastusin sa pag-aaral, gaya ng mga libro, matitirahan ng estudyante, student loans, at scholarships.

Ang mga bibigyan ng tulong-pinansiyal sa pag-aaral bukod sa libreng tuition ay iyong mga ‘bottom 20 percent’ ng mga estudyante, o iyong mga nasa pinakamababa ang estado sa buhay.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *