Thursday , March 28 2024

Aljur at Ronnie, pinagtatawanan sa nominasyon sa Luna Awards

SA totoo lang, kawawa naman sina Aljur Abrenica at Ronnie Alonte na pinagtatawanan dahil sa nakuha nilang nomination bilang best actor sa gagawingLuna Awards. Marami ang kumukuwestiyon sa kanilang nomination, pero ano naman ang kasalanan nilang dalawa kung nominated sila?

Sa pagkakaalam namin, iyang Film Academy, binubuo iyan ng mga guild na nagpapadala ng kanilang kinatawan sa isang electoral college na siyang namimili kung sino ang kanilang pararangalan. Halimbawa sa best actor, ang pumili sa mga nominado ay ang Actors Guild din mismo. Tapos at saka ihaharap iyan sa buong electoral college ng academy na siya namang pipili ng mananalo.

May nagsasabing iyan ay parang popularity contest, dahil kung mahusay kang makisama sa mga kapwa mo manggagawa, o nagkampanya ka, maaari ka talagang maging nominee at manalo. Pero bago iyan ay wala namang nabalitang nagkampanya ang sino man kina Aljur at Ronnie. In fact, bigla na nga lang sumulpot iyang listahan ng mga nominee na iyan eh, dahil wala namang ibinalita na nagsisimula na silang mag-review ng mga pelikula para riyan sa Luna Awards na iyan.

Iyong pamimili naman nila ng mga nominee at maging ng mga mananalo, walang pakialam ang kahit na sino. Iyon ang choice nila eh. Walang may pakialam kung paano pinipili ang mga mananalo ng awards, kagaya rin naman niyong alam ba ninyo kung paano namimili ng mananalo iyong mga guro sa mga kung ano-anong eskuwelahan sa mga probinsiya ng kanilang binibigyan din ng awards? Kanya-kanya iyan eh at wala tayong pakialam.

Ngayon, depende na lang iyan kung ang kanilang choices ay tanggap ng publiko o hindi. Depende na rin naman iyan sa kanilang kredibilidad. Depende rin iyan sa choice ng mga tao. Kung ang resulta nila ay magustuhan ng publiko ok. Kung hindi problema na nila iyon, wala rin tayong pakialam doon.

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *