Friday , September 21 2018
Breaking News
You are here: Home / News / Mag-asawang drug financier, money launderer niratrat sa EDSA
Mag-asawang drug financier, money launderer niratrat sa EDSA

Mag-asawang drug financier, money launderer niratrat sa EDSA

PATAY ang isang lalaki habang kritikal ang kalagayan sa pagamutan ng kanyang misis makaraan pagbabarilin habang lulan ng kanilang sasakyan sa bahagi ng EDSA sa Caloocan City, nitong Sabado ng gabi.

Hindi umabot nang buhay sa Manila Central University Hospital ang biktimang si Glen Bernardo. Habang inoobserba-han sa intensive care unit ang kanyang misis na si Maricar.

Sakay ang mga biktima sa nakaparadang Toyota Altis sa tapat ng isang banko, habang may hinihintay sa Brgy. 86, nang pagbabarilin ng hindi nakilalang mga suspek, ayon sa barangay tanod na si Jesus Mariano.

Hindi pa matukoy ang motibo sa pamamaril sa mag-asawa.

Ngunit ayon sa Caloocan police, may impormasyon sila na ang mag-asawa ay bigtime financier at money launderer ng mga drug lord sa bansa.

May utos rin anila mula sa Court of Appeals na ipasara ang kanilang bank accounts dahil sa napatunayang money laundering activities.

Kabilang ang mag-asawa sa inaresto sa o-perasyon ng pulisya sa isang condominium unit sa Caloocan noong 2016, ngunit nakalaya makaraan magpiyansa.

Nakatakdang i-review ng mga awtoridad ang footage ng CCTV sa lugar upang matukoy ang pagkakakilanlan ng mga suspek.

Hindi bababa sa 17 basyo ng bala ang natagpuan sa pinangyarihan ng insidente. (R. SALES)


COMMENTS

About Rommel Sales

Scroll To Top
 

Copyright hatawtabloid.com | All Rights Reserved