Thursday , January 17 2019
Breaking News
You are here: Home / Opinion / Mabagal nating hustisya
Mabagal nating hustisya

Mabagal nating hustisya

MASAKLAP mang tanggapin pero sadyang napakabagal pa rin ng takbo ng ating hustisya.

Hustisya ang sigaw ng mga pamilya at kaanak ng 44 na Philippine National Police – Special Action Force (PNP-SAF) commandos na minasaker sa Mamasapano, Maguindanao noong 25 Enero 2015.

Halos dalawang taon at kalahati na ang nakalilipas mula nang maganap ang malupit na pamamaslang pero wala pa ring napananagot sa krimen.

Nang imbestigahan ito sa Senado noong 2016 ay nagturuan lang ang mga opisyal ng militar at pulis na sangkot sa “Oplan Exodus” ng SAF para hulihin ang dalawang terorista.

Ayon sa militar, walang koordinasyon sa kanila ang hepe ng SAF kaya hindi sila natulungan nang imasaker ng Moro Islamic Liberation Front (MILF) at Bangsamoro Islamic Freedom Fighters (BIFF).

READ MORE:  Mga mambabatas na suwail sa batas

Pero ayon sa hepe noon ng SAF, maaga pa ay humingi na siya ng suporta pero walang dumating na tulong mula sa mga sundalo sa pitong oras ng bakbakang naganap kaya nasawi ang mga pulis.

At sa kabila ng partisipasyon ng mga miyembro ng MILF sa naturang masaker, ngayon ay bukas na naman ang gobyerno sa pakikipagnegosasyon sa kanila para sa Bangsamoro Basic Law (BBL) na naudlot noon dahil sa kawalanghiyaan nila sa ating mga pulis.

Mukhang uusad ang kaso sa Mamasapano massacre dahil kamakailan lang ay iniutos ni Ombudsman Conchita Carpio Morales sa Sandiganbayan na sampahan ng usurpation of

READ MORE:  Pisong dagdag-pasahe hudyat na ng kalbaryo

authority at paglabag sa anti-graft law si dating Pres. Noynoy Aquino.

Ito ay bunga ng pagpayag niya na pangasiwaan ng noon ay suspendidong PNP chief Alan Purisima at SAF head Getulio Napeñas ang naturang operasyon.

Pero ang tanong ay hanggang kailan naman kaya ito aabutin, mga mare at pare ko, bago mabigyan ng hustisya ang pagkasawi ng 44 SAF commandos na kinatay ng MILF at BIFF?

Sagutin!

***

KUNG malulupit na pamamaslang ang pag-uusapan ay hindi malilimutan nino man ang Maguindanao massacre na kumitil sa 58 katao, kabilang ang mahigit 30 mamamahayag.

READ MORE:  Bakit hindi mag-resign si Chito Gascon para sa kapakanan ng CHR?

Naganap ito noong 23 Nobyembre 2009 sa termino ni dating Pres. Gloria Macapagal-Arroyo ngunit sa panunungkulan ngayon ni Pres. Rodrigo Duterte, ang ilang pangunahing suspek sa krimen ang namatay, pero hindi pa rin natatapos ang kaso.

Sa tingin ng iba, mga mare at pare ko, ang kabagalan din ng hustisya ang dahilan kung

bakit maraming suspek sa krimen ang pinapaslang ng mga vigilante. Hindi na nila mahintay na umabot sa korte ang kaso dahil hindi naman siguradong mapapanagot ang kriminal.

Tandaan!

BULL’S EYE – Ruther Batuigas

About Ruther D. Batuigas

One comment

  1. armando villegas

    kailangang may managot at makulong sa pagkamatay ng SAF44. si pnoy o si purisima o si roxas o silang tatlo. hindi kasama si lapenas dahil sumunod lang siya sa chain of command. bakit hindi na isinama ang militar sa operasyon ng SAF bilang ayuda sa dedensa sakaling atakihin sila ng MILF. o kaya nagpaalam muna sa MILF napapasok ang SAF.

    yung sa maguindanao massacre at least yung suspect ay nakakulong na hanggang matapos ang paglilitis …

Leave a Reply

Your email address will not be published. Required fields are marked *

*

Scroll To Top