Saturday , November 17 2018
Breaking News
You are here: Home / News / Safe conduct pass epektib pa, NDF consultants ‘di balik-hoyo
Safe conduct pass epektib pa, NDF consultants ‘di balik-hoyo

Safe conduct pass epektib pa, NDF consultants ‘di balik-hoyo

 

HINDI pa tinutuldukan ng administrasyong Duterte ang usapang pangkapayapaan sa kilusang komunista kaya hindi puwedeng ipaaresto at muling ibalik sa bilangguan ang pinalayang National Democratic Front of the Philippines (NDFP) consultants.

Sinabi ni Labor Secretary at government peace panel chief Silvestre Bello III, wala pang basehan ang pahayag ni Solicitor General Jose Calida, na hihilingin niya sa hukuman na kanselahin lahat ang piyansa nang pinalayang NDFP consultants, iutos na arestohin sila at ibalik sa kulungan.

READ MORE:  DepEd kukuha ng 39K teachers sa 2015

Giit ni Bello, protektado ang NDFP consultants ng safe conduct pass o Joint Agreement on Safety and Immunity Guarantees (JASIG).

Uubra aniya ang hirit ni Calida kapag pormal nang winakasan ng gob-yerno ang peace talks at naipadala na sa NDFP panel ang “notice of termination.”

Nauna nang sinabi ni dating NDF consultant at dating Bayan Muna party-list Rep. Satur Ocampo, isang buwan makaraan matanggap ng NDF ang notice of termination mula sa gobyernong Duterte ay saka lang magi-ging epektibo ang pagpapawalang-bisa ng JASIG.

READ MORE:  1 patay, 9-anyos sugatan sa barilan sa peryahan

Kamakalawa, kinan-sela ng gobyerno ang backchannel talks sa NDFP makaraan ang sunod-sunod na pag-atake ng New People’s Army (NPA) sa mga tropa ng pamahalaan kasama ang pananambang sa mga kagawad ng Presidential Security Group (PSG) sa Arakan, North Cotabato, na ikinasugat ng apat sundalo at ikinamatay ng isang paramilitary.

Sa pulong noong Martes ng gabi, nagbigay ng direktiba si Pangulong Rodrigo Duterte sa GRP panel na huwag ituloy ang 5th round ng peace talks hangga’t hindi tumitigil sa pag-atake ang NPA.

READ MORE:  Pork trial ikinakasa na ng Sandiganbayan

Noon pang nakaraang Mayo sinuspendi ng GRP ang formal peace talks nang atasan ng Communist Party of the Philippines (CPP) ang NPA na paigtingin ang operasyon laban sa puwersa ng gobyerno bilang pagtutol sa idineklarang martial law ni Pangulong Duterte sa Mindanao.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved