Saturday , November 17 2018
Breaking News
You are here: Home / News / 43 foreigners arestado ng anti-kidnap group (Casino high rollers dinudukot)
43 foreigners arestado ng anti-kidnap group (Casino high rollers dinudukot)

43 foreigners arestado ng anti-kidnap group (Casino high rollers dinudukot)

 

INARESTO ng mga awtoridad ang 43 dayuhan na miyembro ng loan shark syndicate at pumupuntirya ng high rollers.

Nitong Huwebes, iniharap sa media ni Philippine National Police chief, Director General Ronald “Bato” dela Rosa ang mga suspek, karamihan ay Chinese nationals, sa press conference sa Camp Crame.

Ang mga suspek, kabilang ang 41 Chinese at dalawang Malaysians, ay inaresto nitong 18 Hulyo makaraan sagipin ng PNP-Anti-Kidnapping Group ang biktimang si Wu Yan, 48, isang Singaporean national.

READ MORE:  Pinay tiklo sa entrapment sa P5-M extortion sa New Zealand national

Ang lider ng sindikato, isa ring Chinese national, ay tinutugis ng mga awtoridad.

“At large pa, isa,” ayon kay PNP-AKG director Chief Supt. Glenn Dumlao nang itanong kung nasaan ang lider ng nasabing sindikato.

Tumangging magbi-gay ng karagdagang detalye si Dumlao, ngunit kalaunan ay ipinakita ang diagram sa media at kinilala ang lider ng sindikato na si Chen DeQin.

Sa imbestigasyon, noong 17 Hulyo, ang biktima ay naglalaro sa Solaire Resorts and Casino sa Pasay City, dalawang Malaysian nationals, kinilalang sina Ng Yu Meng at Goh Kok Keong ang kinaibigan si Wu at pagkaraan ay inimbitang maglaro sa kalapit na casino resort.

READ MORE:  Tatlong suspek sa Davantes murder hawak ng NCRPO

Dakong 9:45 pm sumakay sila sa taxi ngunit imbes dumiretso sa casino resort, dinala ang biktima sa isang condominum sa Parañaque City.

Ang biktima ay ikinulong at inutusang magbayad ng $180,000 kapalit ng kanyang kalayaan.

Nang sumunod na araw, isinagawa ng PNP-AKG, Bureau of Immigration, at Parañaque police ang rescue operation, nagresulta sa pagkakasagip sa biktima.

READ MORE:  Pope Francis umuwi na sa Roma

Sinabi ni Dumlao, hindi ito ang unang kaso na kanilang hinawakan. Aniya, nitong Hulyo, sinagip nila ang isang Chinese national na dinukot ng ibang grupo.

“Nag-start noong June dahil sa rampant report about kidnapping and serious illegal detention sa players sa casino. We already conducted operations and rescued victim Wang Yan, who was held by separate cell, na-rescue natin ‘yun at na-release last June 2,” aniya.

 

COMMENTS

About hataw tabloid

Scroll To Top
 

Copyright hatawtabloid.com | All Rights Reserved