Thursday , November 15 2018
Breaking News
You are here: Home / Sports / Letran, umiskor ng unang panalo (San Beda, bumalikwas)
Letran, umiskor ng unang panalo (San Beda, bumalikwas)

Letran, umiskor ng unang panalo (San Beda, bumalikwas)

 

KAAGAD nakabalik sa dating bangis at angas ang San Beda Red Lions nang lapain ang College of St. Benilde Blazers habang nakaiskor sa wakas ng unang panalo ang Letran Knights kontra Emilio Aguinaldo College Generals, 83-80 sa umaatikabong NCAA Season 93 kahapon sa San Juan.

Kagagaling sa mapait na pagkatalo kontra Lyceum noong nakaraang linggo, ibinuhos ng Red Lions sa Blazers ang kanilang buong ngitngit nang umabot pa ang tambak hanggang 29 puntos tungo sa 2-1 kartada sa likod ng lider na Pirates (2-0).

READ MORE:  PBA tutulong sa mga naging biktima ng bagyo

Binanderahan ni Javee Mocon ang balanseng atake ng Red Lions sa kanyang 12 puntos, 8 rebounds at 5 assists habang may tig-9 na puntos sina Robert Bolick at AC Soberano. May 11 rebounds at 6 na assists din si Bolick.

READ MORE:  Pacquiao ititimon ang Kia vs Ginebra

Samantala, tanging si Clement Leutcheu ang nakapagpakitang-gilas sa 10 puntos at 5 rebounds para sa Blazers na nahulog sa 1-2 kartada.

Samantala sa unang laro, binura ng Letran ang maagang 16 puntos na pagkakaiwan kontra sa Emilio Aguinaldo College para itarak ang kanilang unang panalo sa torneo.

Kumamada ng 15 puntos si Jeo Ambohot habang kumana ng tig-14 puntos sina Bong Quinto, Jeremiah Taladua at Rey Nambatac para sa Letran na umangat sa 1-1.

READ MORE:  Grand Sprint Championship malapit na

Nauwi sa wala ang 22 puntos ni Francis Munsayac gayondin ang halimaw na 20 puntos at 18 rebounds ni Sydney Onwubere para sa EAC na dumulas sa 1-1 ding marka. (JBU)

 

COMMENTS

About John Bryan Ulanday

Scroll To Top
 

Copyright hatawtabloid.com | All Rights Reserved