Thursday , September 20 2018
Breaking News
You are here: Home / News / P100-M suhol sa solons pangwasak sa Marcos (Pagpapakulong kay Imee)
P100-M suhol sa solons pangwasak sa Marcos (Pagpapakulong kay Imee)

P100-M suhol sa solons pangwasak sa Marcos (Pagpapakulong kay Imee)

 

SUPER desperado talaga ang grupong dilawan matapos magbigay ng suhol na P100 milyon sa ilang kasapi ng Kamara de Representantes upang wasakin ang pamilya Marcos.

Ibinunyag ito ni Ilocos Norte Imee Marcos sa mga reporter sa Quezon City kasabay ng pagbanggit niya sa planong tuluyang pagpapakulong sa kanya sa bilangguan ng Kamara at ang paninira at panghaharang sa protesta ni dating Senador Bongbong Marcos laban kay Bise-Presidente Ma. Leonora “Leni” Robredo na sinisimulan nang bilangin ng Korte Suprema.

Ayon kay Marcos, kongresista mula sa Mindanao ang mismong nagsabi sa kanya na nagbigay ng P100 milyon ang Liberal Party sa mga kongresista, kabilang na si Ilocos Norte Rep. Rodolfo Fariñas.

“Obvious naman na may kamay dito ang grupo ng dilawan. Gusto nila akong makulong. Timing naman na ang protesta ng kapatid kong si Bongbong ay dinidinig na sa Korte Suprema,” diin ni Imee.

Ayon sa gobernadora, ang pangunahing layunin ng P100 milyon ng grupong dilawan ay una, makulong siya sa Kamara (kaugnay ng P66.45 milyong pondo na ipinambili ng mga sasakyan para sa tobacco farmers noong 2011 at 2012); pangalawa, huwag paupuin si Bongbong bilang presidente ng bansa kasunod ng kanyang napipintong panalo sa protesta at sakaling hindi na makagampan ng tungkulin si Presidente Rodrigo Duterte dahil sa pinaniniwalaang malalang sakit; at pangatlo ay ilaban ang pinaniniwalaan ng LP na panalo ni Robredo dahil napakalaki ng takot ng grupong dilawan na matanggal bilang pangalawang pangulo si Robredo kasunod ng pagsisimula ng pagbibilang ng Korte Suprema sa mga boto ni Bongbong.

Matatandaang nagpasya ang mataas na korte na bilangin ang mga hindi nabilang na boto ni Bongbong noong eleksiyong 2016 makaraang makombinsi ang Presidential Eelectoral Tribunal (PET) sa kawastohan at katanggap-tanggap na protesta ni Bongbong.

Si Fariñas na pangunahing may gustong makulong si Imee ay dating opisyal ng LP at malapit kay dating pangulong Noynoy Aquino.

Sabi ni Imee, “Sana tigilan na ang panggigipit sa amin. Itigil na ni Fariñas ang desperado niyang ginagawa para lamang ako ipakulong sa ngalan ng pamomolitika.”

HATAW News Team

COMMENTS

About hataw tabloid

Scroll To Top
 

Copyright hatawtabloid.com | All Rights Reserved