Wednesday , November 14 2018
Breaking News
You are here: Home / Opinion / Mabaho ang CDO
Mabaho ang CDO

Mabaho ang CDO

 

HUWAG daw tangkilin ang produktong maya’t maya ay lumalabas sa komersiyal (TVC), lalo na kung pagkain at gamot ang produkto.

Madalas nating naririnig ito sa mga doktor na nagrereseta ng gamot sa kanilang pasyente. Sabi nila, ang mabisang gamot hindi kailangan ng magastos na TV ads.

Mukhang totoo rin ito sa kaso ng CDO. Isang produktong delatang meat processed. Kung talagang maayos ang produkto hindi kailangan ng sandamakmak na TVC.

Sa highways makikita ang billboard ng CDO. Sa TV, maya’t maya nakikita ang kanilang produkto. Ganoon din sa mga supermarket, kahit saan lumingon may CDO.

READ MORE:  Rizal Memorial Sports Complex ibinenta na rin ni Erap Estrada?

Maraming reklamo na ang natatanggap tungkol sa mabahong amoy na hinihinalang mula sa pabrika ng CDO sa Valenzuela City.

Itinuturo ng mga taga-Barangay Paso de Blas, Valenzuela City na pinagmumulan ng amoy ang tambak ng mga ibinabalik na produkto ng CDO. ‘Yung mga hindi nabibili at malapit nang mag-expired.

Nang lumaon, napagtanto nilang, puwede rin magmula sa natuyong taba ng karne na ipinoproseso ng CDO ang masangsang na amoy.

READ MORE:  Attention: PNP ito ang MOA natin sa NPC...

Pero alinman sa dalawa ang pinagmumulan ng mabaho at masangsang na amoy na labis na nakaaapekto sa kalusugan ng mga taga-Paso de Blas, mayroong tungkulin ang lokal na pamahalaan ng Valenzuela na aksiyonan ang reklamong ito.

Ano ba ang dahilan kung bakit walang aksiyon mula sa tanggapan ni Mayor Rex Gatchalian?! Ano ang ginagawa ng Valenzuela Health and Sanitation Office?

Napakalaki ng planta ng CDO, hindi ito kapiranggot lamang, kaya imposibleng hindi napapansin ng lokal na pamahalaan ang reklamo ng mga residente at iba pang business establishments sa nasabing lugar.

READ MORE:  VIP escorts sa NAIA mahigpit na ipinagbabawal ni BI Commissioner Jaime Morente

Kung halos 40-anyos na sa industriya ang CDO at sinasabi nilang malinis ang kanilang produkto, bakit kailangan nilang gumastos nang malaki para sa kanilang promotions?!

Laging tandaan, ang tunay na malinis ay marunong din maglinis ng basura sa kanilang kapaligiran kaya hindi rin nila dapat hinahayaang umalingasaw ang mga nabulok nilang produkto.

Gusto ba nilang mabansagang CDO bulok?!

COMMENTS

About hataw tabloid

Scroll To Top
 

Copyright hatawtabloid.com | All Rights Reserved