Sunday , November 18 2018
Breaking News
You are here: Home / Showbiz / Shaina, haharapin muna ang pag-aaral
Shaina, haharapin muna ang pag-aaral

Shaina, haharapin muna ang pag-aaral

PLANONG mag-enroll ni Shaina Magdayao ng kursong BS Psychology para lubos niyang maunawaan ang pasikot-sikot sa itinayo niyang Smile Cares Foundation kasosyo ang Yes Pinoy Foundation na pinamamahalaan ni Dingdong Dantes.

Pinayuhan si Shaina ng legal adviser ng foundation na si Atty. Lucille Sering, “si attorney, she advise me to take online classes, mayroon siyang sinasabing university in Melbourne, Australia na I forgot the name, it’s really time consuming with the work I have now tapings for ‘The Better Half’, so hindi ko pa alam kung paano ko hahatiin, but definitely after that (serye).”

Bukod sa Psychology ay plano ring mag-enrol ni Shaina sa UP Los Banos.

“I’m gonna take crash courses and we’re setting up ‘yung Farm Tourism kasi wala naman talaga akong kaalam-alam doon, so we’re gonna work with the best, we’re gonna bring out the best. So, we’re gonna take-up weekend courses in UP Los Banos yata.

READ MORE:  Bumubuo ng The Revengers Squad, certified dream team

“Actually it’s the other way for me kasi ‘I became expose first as a businesswoman before, kaya sabi ko, nanghihinayang ako na hindi ko natapos ang pag-aaral ko kasi hindi ko alam ‘yung ibang bagay like this putting up a foundation, akala ko ganoon lang, madali naman kasing tumulong kaso kailangan may mga dapat pag-aralan. I only finished high school, I didn’t go to college kaya nga kailangan kong mag-aral talaga,” pagtatapat ng isa sa cast ng Better Half.

READ MORE:  Sunshine at Teresa, nagpupuyos sa galit: ‘Wag n’yong idamay ang aming mga anak!

Speaking of The Better Half, muling nagkita na sina Shaina (Camille) at JC de Vera (Rafael) base sa umeereng kuwento ng serye noong Lunes, Hulyo 10, na talagang inabangan ng sumusubaybay kung muling magkakalapit ang kalooban nila pagkatapos nilang maghiwalay.

Nakakuha sa national TV rating na 14.8%, kompara sa bagong katapat na programa sa GMA 7 na 12.6%, ayon sa datos ng Kantar Media.

Naging usap-usap din sa online ang palabas matapos maging trending topic ang official hashtag ng palabas na #TBHSigawNgPuso na nakakuha ng libo-libong tweets mula sa netizens.

Mas maraming pa ngang dapat abangan ang mga manonood dahil mas magiging komplikado pa ang kanilang mga buhay dahil habang muling ipinadarama nina Camille at Rafael ang kanilang pagmamahal para sa isa’t isa, susubukan namang ipaglaban ni Marco (Carlo Aquino) ang kanyang pag-ibig upang muling masungkit ang puso ng dating asawa.

READ MORE:  PAO Chief Acosta, tagapagtanggol ng mahihirap

Bukod naman sa mga plano niyang mabawi si Marco, patuloy naman ang pagtatago ni Bianca (Denise Laurel) ng mga ebidensiyang siya ang pumatay kay Juancho (Epy Quizon) sa tulong ng kanyang ama.

Kaya abangan ang mga buhay na pinagsama-sama at sinira ng pag-ibig sa The Better Half, pagkatapos ng Pusong Ligaw sa ABS-CBN at sa ABS-CBN HD (SkyCable ch 167).

FACT SHEET – Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved