Tuesday , September 25 2018
Breaking News
You are here: Home / Opinion / Lumayas ka sa CBCP!
Lumayas ka sa CBCP!

Lumayas ka sa CBCP!

 

TAMA lang na ang nahalal bilang bagong pangulo ng Catholic Bishops’ Conference of the Philippines (CBCP) ay si Davao Archbishop Romulo Valles. Marami ang umaasa na sa pagkakahalal ni Valles, ang relasyon ng gobyernong Duterte at simbahan ay magiging matibay at maganda.

Sa kasalukuyan, ang pangulo ng CBCP ay si Lingayen-Dagupan Archbishop Socrates Villegas na walang ginawa kundi batikusin ang mga programa ng kasalukuyang pamahalaan partikular ang kampanya o giyera ni Duterte laban sa ilegal na droga.

READ MORE:  Pangako sa mga nagsisuko sa Oplan Tokhang, natupad ba?

Pinaniniwalaang si Valles ay malapit kay Duterte at isa sa mga obispo na nakapagbibigay ng payo sa pangulo. Simula pa noong 2012, si Valles ang siyang pinuno ng Archdiocese ng Davao.

READ MORE:  Para sa isang kaibigan NPC President Joel Sy Egco  

Bagamat sa Nobyembre pa manunungkulan si Valles, mabuti na rin at mawawala na itong si Villegas sa puwesto sa CBCP na walang ginawa kundi sitahin ang bawat hakbang ng pangulo at ng kanyang pamahalaan.

Sa halip na ipalaganap ang salita ng Diyos, binigyan atensiyon nitong si Villegas ang pakikipag-away sa pangulo, at hindi nagawang patatagin ang pananampalataya at palawakin ang bilang ng mga debotong Katoliko.

READ MORE:  Imbestigahan raket nina Belinda dela Kruz, Kimberly at Egay sa BoC

Umaasa tayong sa pamumuno ni Valles, ang ugnayang simbahan at pamahalaan ay higit na tatatag para sa kapakinabangan ng taongbayan.

 

COMMENTS

About hataw tabloid

Scroll To Top
 

Copyright hatawtabloid.com | All Rights Reserved