Thursday , September 20 2018
Breaking News
You are here: Home / News / Ina, sanggol natagpuang patay sa Kyusi
Ina, sanggol natagpuang patay sa Kyusi

Ina, sanggol natagpuang patay sa Kyusi

PALAISIPAN sa Quezon City Police District (QCPD) ang pagkamatay ng isang ina at sanggol, nadatnan ng kanilang padre de familia na wala nang buhay sa loob ng kanilang bahay sa nabanggit na lungsod, kamakalawa ng gabi.

Sa ulat ng Criminal Investigation and Detection Unit (CIDU), ang mag-ina ay kinilalang sina Lea Grace Belga, 25, Honethea, isang buwan gulang, residente sa 45 Diego Silang St., Vete-rans Village, Brgy. Pasong Tamo, Quezon City.

Ang mga biktima ay walang nakitang ano mang sugat sa kanilang katawan.

Dakong 8:30 pm nang matagpuan ni Honesto Belga, Jr., ang wala nang buhay na kanyang mag-ina.

Galing trabaho si Honesto nang puwersahan niyang buksan ang pintuan ng kanilang bahay nang hindi siya pagbuksan ng kanyang misis sa kabila nang matagal niyang pagkatok,

Pagkapasok sa bahay, inakala niya’y natutulog lang ang kanyang mag-ina ngunit nang gisingin si misis maging ang sanggol, natuklasan niyang patay na ang kanyang mag-ina.

Agad ipinaalam ni Honesto sa kanilang kaanak ang insidente bago sa pulisya.

Sa inisyal na imbestigasyon ng Scene of the Crime Operatives (SOCO) sa mga biktima, ang isang kamay ni Lea Grace ay nakatakip sa mukha ng sanggol.

Lumabas din sa pagsusuri na walang ano mang sugat na nakita sa katawan ng mag-ina.

Isasailalim sa awtopsiya ang bangkay ng mga biktima habang patuloy ang isinagawang pagsisiyasat ng pulisya upang matiyak na walang foul play sa pagkamatay ng mag-ina.

ni ALMAR DANGUILAN

COMMENTS

About Almar Danguilan

Scroll To Top
 

Copyright hatawtabloid.com | All Rights Reserved