Friday , March 29 2024

Si Rading at mga alagang mandurukot sa simbahan

Dragon LadyTALAMAK ang nagkalat na mga mandurukot sa loob ng simabahan ng Redemptorist sa Baclaran, Parañaque City.

Ang mga biktima ay pawang mga nagsisimba at taimtim sa kanilang pagdarasal kaya hindi na nararamdaman na may kamay na dumudukot ng kanilang mahalagang gamit sa loob ng kanilang bag, samantala bulsa naman ng mga lalaki sa likuran ang target dahil nandoon ang wallet.

***

Ibinulgar ng isang source na isang ‘alyas Rading’ umano ang may alaga sa grupo ng mandurukot na ang operasyon ay sa loob ng Redemptorist Church. Partikular na nag-o-operate ang mga alagang mandurukot sa araw ng Miyerkoles na napakaraming nagsisimba para mag-novena, gayondin, sa araw ng Linggo.

***

Ayon pa sa source, pagkatapos makapandukot ang mga alaga ni Rading ay tatakbo sa Aragon St., at doon magre-remit kay Rading ng mga nadukot.

Porsiyentohan ang laban ng alagang mandurukot at ni Rading, dahil kapag nahuli ang alagang mandurukot, si Rading ang tagatubos sa piyansa nito habang nasa loob ng kulungan.

***

Nabatid na meron din kontak na tunawan ng gintong alahas si Rading sakaling may alahas na nadudukot sa loob ng bag ng dinudukutan. At ang mga celfon na nadudukot ay kadalasan na nakikitang ibi-nebenta sa kalsada ng Quirino Ave. Kung minsan may mga Muslim umano na nagtitinda habang nakala-tag sa isang mesa.

***

Nakarating sa ating kaalaman na tinatrabaho na ito ng pulisya dahil bago pa lamang umanong nauupo ang  precinct commander ng Barangay Baclaran, maging ang ilang tauhan nito. Bagama’t may mga antigong pulis-Parañaque na nakatalaga rito, posibleng alam nila ito, hindi lamang nakikipag-coordinate sa bagong upong precinct commander!

***

Isang Major Arnold Alabastro ang bagong upong Precinct Commander sa Bgy. Baclaran, napakasipag sa clearing operations, kaya lang sadyang matitigas ang bungo ng illegal vendors, partikular diyan sa Redemptorist Road sa tapat ng main entrance ng Redemptorist Church. Puro de gulong ang sinasabitan ng mga panindang damit, kapag nakitang dumarating ang mga miyembro ng clearing operations mapa-MMDA o pulis, kanya-kanyang tulak ng kanilang de gulong na sinasabitan ng paninda.

Dapat siguro kompiskahin ang mga de gulong na ‘yan, ‘di ba Major? Pati na ang ginagamit na panlatag, kompiskahin din.

DRAGON LADY – Amor Virata

About Amor Virata

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *