Friday , March 29 2024

Hihingi ng rematch si PacMan?

NAGIMBAL ang boxing world nang ianunsiyo ng ring announcer na natalo si Manny Pacquiao kontra kay Jeff Horn via unanimous decision.

Yung nanalo lang si Horn ay parang suntok na sa buwan,  ano na matatawag doon sa naging unanimous decision na pagkatalo?

Siyempre, masakit iyon sa mga fans ni Pacquiao.

Anyway, anumang protesta ang gawin ng kampo ni Pacquiao hindi na mababago ang naging decision ng tatlong hurado.

May rematch clause naman ang kontrata nila ni Horn.  Puwede niyang gamitin iyon para makaresbak sa Austaliano.

Hindi naman siguro luto ang nasabing laban.  Dahil kung talagang dominado ni Manny ang laban, bakit hindi ibibigay sa kanya ang laban?

Talaga lang sigurong hindi kumbinsido ang mga hurado na malilinaw ang mga patama ni Pacquiao.

At isa pa, mukhang hilaw nga ang naging training ni Pacman.   Alam naman natin na huli na silang nagsimula ng training ni Freddie Roach. Habang sagsag sa ensayo si Horn, pinag-uusapan pa ng kampo ni Pacquiao kung saan sisimulan ang 2nd phase ng ensayo.

Siguro, kung magkakaroon ng rematch, hindi na mangyayari ang hilaw na ensayo.   Paghahandaan na ng kanilang kampo si Horn.

0o0

Sa kabuuan ng laban nina Pacquaio at Horn, maraming beses ang nangyaring yakapan.  Halos i-judo na ng Australiano ang Pinoy pug.  Sabi nga ng announcer sa radyo na nag-cover ng live, dapat pala ay nag-aral ng mixed martial arts si Pacman para ma-counter ang mga panggugulang ni Horn.

Pero teka, mukhang may naaamoy tayong senaryo sa ipinakita ni Horn laban kay Pacquiao.   Mukhang epektib ang may kaalaman sa mixed martial arts para talunin ang lehitimong boksingero.

Well, malapit na ang laban nina Floyd Mayweather at McGregor na isang lehitimo namang mixed martial artist.

Hindi kaya masundan ang isang malaking upset sa kasaysayan ng boksing?

Muli…tinalo ng isang mixed martial artist ang isang boksingero?

KUROT SUNDOT – Alex Cruz

About Alex Cruz

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *