Tuesday , September 18 2018
Breaking News
You are here: Home / News / Pagkakaisa himok ni Digong sa Muslim (Sa pagwawakas ng Ramadan)
Pagkakaisa himok ni Digong sa Muslim (Sa pagwawakas ng Ramadan)

Pagkakaisa himok ni Digong sa Muslim (Sa pagwawakas ng Ramadan)

HINIMOK ni Pangulong Rodrigo Duterte ang mga kapatid na Muslim na ituon ang kanilang atensiyon sa mga pagsusumikap tungo sa pambansang pagkakaisa at ikabubuti ng sangkatauhan na pinakamainam na paraan upang maipamalas ang pagmamahal sa Diyos.

“Together let us work towards building a society that is grounded on love, mutual respect and understanding. May this special day bring happiness, peace and prosperity to everyone. Eid Mubarak,” anang Pangulo sa kanyang Eid al Fitr message kahapon.

Inihayag ni Presidential Spokesman Ernesto Abella, ang ipinatupad na walong oras na humanitarian ceasefire kahapon, bilang paggunita sa Eid al Fitr sa Marawi City, u-pang ipakita ang pagkakaisa sa lahat ng mga Muslim.

“It is a sincere gesture which shows respect to the Muslim faith and acknowledges our cultural diversity of our society,” ani Abella.

Idineklara ng Armed Forces of the Philippines (AFP) ang eight-hour ceasefire sa military operations sa Marawi City kahapon, mula alas-sais ng umaga hanggang alas-dos ng hapon.

Ipinadala ng Philippine Navy ang BRP Davao del Sur sa Cotabato upang umayuda sa pagdadala ng military supplies at relief goods at bilang back-up floating medical facility upang gamutin ang mga sugatang sundalo.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved