Friday , March 29 2024

Tserman sugatan sa ratrat (Pagkatapos tambangan ang isang ex-Marine)

SINISIYASAT ng isang PO1 Andrei Umandac ng MPD PS11 ang sasakyan ng kanyang ama na si Jujie Umandac retiradong Master Sgt ng Phil Marine na sinasabing dating kumandidatong brgy chairman sa Baseco Compound at maugong umano sa kanilang lugar na posibleng maging Presidential appointee ni Pduterte bilang chairman sa naturang lugar,makaraang masawi nang abangan at tambangan ng dalawang suspek na lulan ng motorsiklo. (BRIAN GEM BILASANO)
SINISIYASAT ng isang PO1 Andrei Umandac ng MPD PS11 ang sasakyan ng kanyang ama na si Jujie Umandac retiradong Master Sgt ng Phil Marine na sinasabing dating kumandidatong brgy chairman sa Baseco Compound at maugong umano sa kanilang lugar na posibleng maging Presidential appointee ni Pduterte bilang chairman sa naturang lugar,makaraang masawi nang abangan at tambangan ng dalawang suspek na lulan ng motorsiklo. (BRIAN GEM BILASANO)

SUGATAN ang isang barangay chairman makaraan pagbabarilin ng dalawang riding-in-tandem habang sakay ng kanyang sport utility vehicle (SUV) sa Malate, Maynila, kamakalawa ng gabi.

Unang itinakbo sa San Juan de Dios Hospital ang biktimang si Kristo Hispano, 37, chairman ng Brgy. 649, Zone 88, at residente sa Blk.17A, 1 Bagong Lupa, Baseco, Port Area, Maynila, at kalaunan ay inilipat sa Ospital ng Maynila.

Ayon sa ulat kay Manila Police District (MPD) Police Station 9 commander, Supt. Rogelio Ramos, naganap ang insidente dakong 9:45 pm habang sakay ang biktima ng kanyang Toyota Fortuner (ZPR-148) sa panulukan ng Roxas Boulevard at P. Quirino St., Ermita.

Papunta sa Pasay City ang biktima makaraang dumalo sa awards night ng 10 Outstanding Barangay Chairman sa Manila Hotel, kabilang siya sa awardee, bilang bahagi ng selebrasyon ng ika-446 Araw ng Maynila.

Base sa salaysay ng biktima, dinikitan siya ng mga suspek na nakasakay sa dalawang scooter at siya ay pinagbabaril.

Nabatid na nitong Martes, tinambangan at napatay ng riding-in-tandem ang isang retiradong miyembro ng Philippine Marines, na ka-lugar ni Hispano, na si Jujie Lim Umandac.

Inaalam ng pulisya kung may kinalaman sa politika ang magkasunod na pananambang sa da-lawang biktima.

(BRIAN GEM BILASANO)

About Brian Bilasano

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *