Wednesday , September 26 2018
Breaking News
You are here: Home / Bulabugin / Pulis na walang armas sa NAIA terminals

Pulis na walang armas sa NAIA terminals

NAIA POLICE NO GUNS. Halos 200 bagong rekrut na pulis na itinalaga sa Ninoy Aquino International Airport (NAIA) terminals ay wala pang baril mula sa pamahalaan. Nakapangangamba ayon sa mga taga-NAIA, na mayroon ngang pulis pero wala namang armas, lalo’t mayroong mga banta ng panggugulo ng mga terorista. (JSY)

NAIA POLICE NO GUNS. Halos 200 bagong rekrut na pulis na itinalaga sa Ninoy Aquino International Airport (NAIA) terminals ay wala pang baril mula sa pamahalaan. Nakapangangamba ayon sa mga taga-NAIA, na mayroon ngang pulis pero wala namang armas, lalo’t mayroong mga banta ng panggugulo ng mga terorista. (JSY)

NANGANGANIB ang halos 200 bagong rekrut na pulis (PNP-ASG) na itinalaga sa apat na terminal ng Ninoy Aquino International Airport (NAIA) dahil sa kawalan ng armas.

‘Yan ang sentimyento ng mga miyembro ng Aviation Security Group (Avsegroup) sa Airport lalo na ngayong mahigpit ang kampanya ng gobyerno laban sa kriminalidad at ilegal na droga.

Mantakin n’yo naman, maghapon silang nasa airport at nakasuot ng uniporme ng pulis, complete uniform, pero walang baril.

E kung matiyempohan sila ng mga kriminal at terorista gaya nang nangyari sa  Resorts World Casino (RWM), ano ang gagawin nila?!

Ipormang baril ang kanilang mga daliri na parang nakikipaglaro nang baril-barilan sa mga terorista at kriminal?!

Wattafak!?

Sabi nga ng mga pulis-AVSEG, napakabait ng Diyos dahil isang taon nang walang patid na pinakikinggan ang kanilang dasal na sana’y huwag silang matiyempohan ng masasamang-loob, dahil kung hindi dalawang bagay lang ang kanilang mapupuntahan — ospital o sementeryo.

Inamin naman daw ng Philippine National Police (PNP) na mayroon silang shortage sa service firearms at libo-libong pulis ang wala pang armas sa kasalukuyan.

Nabatid na ang  budget para sa gun procurement ng 12,268 units caliber 9-milimeter pistols ay ibinaling na pambili ng police patrol jeeps, Crime Data Processing System at Automated Fingerprint Identification System ng nakaraang administrasyon.

Noong isang taon, iginiit ni Senator Ralph Recto ang probisyon sa 2017 National Budget na maglaan ng pondong pambili ng armas para sa 16,000 ‘gunless’ policemen.

Sa ulat ng Commission on Audit (COA) nabatid na 16,140 kagawad ng PNP ang walang service pistol. Ang 623 police officers ay gumagamit ng donasyong armas habang ang 3,654 pulis ay hindi alam kung nabigyan na ng armas.

Tsk tsk tsk…

Nakapagtataka pa ba kung bakit demoralisado ang mga pulis natin na biktima ng kawalang pagpapahalaga ng nakaraang administrasyon?!

By the way, tinalo pa kahapon ng mga security guards na may bitbit na shotgun at automatic rifle sa NAIA ang ating mga pulis.

Omeygad!

Kaya naman pala ganoon na lamang ang pag-aalala ni Pangulong Rodrigo “Digong” Duterte para sa kapakanan ng ating pulis dahil nakikita niya ang tunay nilang kalagayan.

Sana’y huwag nang ipitin ni Secretary Benjamin joke-no ‘este Diokno ang budget para sa  armas ng ating mga pulis…

I-release na ‘yan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
READ MORE:  Notorious shabu pusher ng Guiguinto Bulacan

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved