HATAW! D'yaryo ng Bayan hatawtabloid.com
SAPAT na siguro ang buweltang pahayag ni Atty. Ferdie Topacio kay Jaclyn Jose na kumukuda na naman sa social media laban sa mga recycled namang sentimyento nito laban kay Jake Ejercito.
Yes, Jaclyn is on the warpath again!
Pero walang bago sa mga emote ng aktres sa kanyang socmed account. Ang ipinagtataka lang namin, hindi ba alam mismo ni Jaclyn na ‘yung joint custody case na inihain ni Jake para halinhinan nilang maalagaan ang anak nila ni Andi Eigenmann na si Ellie ay nasa hukuman na?
At dahil nasa proper courts of law na ang usapin, bakit hindi na lang hintayin ni Jaclyn ang magiging desisyon ng korte?
Sa tingin ba niya’y makatutulong ang mga socmed rants niya para hindi i-grant ng husgado ang kahilingan ni Jake, at kay Andi lang ipagkaloob ang eksklusibong kustodiya ng bata?
Kung kami kay Jaclyn, for once ay tumigil muna siya sa pagiging stage lola. Dapat nga’y si Andi ang nagtatatarang para ilaban ang anak, lola lang si Jaclyn. She’s not the mother of Ellie!
May mga pagkakataon na mas hinihingi ng sitwasyon ang pananahimik ng isang tao. Pero sa ginagawang pag-iingay ni Jaclyn—na puwede naman niyang hindi isapubliko ang bagay na maaaring idaan sa mahinahong pag-uusap—does she believe she has a winning case?
(RONNIE CARRASCO III)
