Tuesday , September 25 2018
Breaking News
You are here: Home / News / Pagkaaresto sa inang Maute malaking dagok sa terorista
Pagkaaresto sa inang Maute malaking dagok sa terorista

Pagkaaresto sa inang Maute malaking dagok sa terorista

MAITUTURING na malaking dagok sa teroristang grupo ang pagkaaresto sa madre de familia ng Maute na si Ominta Romato Maute alyas Farhana, ayon kay Defense Secretary Delfin Lorenzana, nitong Linggo.

Sa press conference, sinabi ni Lorenzana, ang pagkaaresto kay Farhana ay nagpahina sa operasyon ng grupo, dahil sa kanyang malaking koneksiyon sa bansa at sa ibayong dagat.

“Farhana is known as the local terrorist group’s adviser, financier, and provider owing to her vast financial resources drawn locally and abroad. Aside from that, she has strong influence on the Maute children. Hence her arrest deals a severe blow,” aniya.

READ MORE:  Probe vs Abaya, ex-MRT chief iniutos ng Ombudsman

Si Farhana ay inaresto sa Masiu, Lanao del Sur nitong Bi-yernes ng gabi, kasama ng dalawang sugatang miyembro ng Maute at pitong hindi pa nakikilalang kababaihan.

Sinabi ni Lorenzana, nakompiska ng mga tropa ng gobyerno ang isang M14 rifle, apat grenade rifles, at dalawang improvised rocket-propelled grenades mula sa grupo ni Farhana.

Idinagdag niyang bineberipika ng militar kung si Farhana ay nagmula sa burol ng kanyang dalawang anak na sina Madie at Omar Maute, napaulat na napatay sa nagpapatuloy na operasyon ng militar sa Marawi City.

READ MORE:  Lookout bulletin vs 17 fratmen inilarga ng DoJ (Sa Servando killing)

Sinabi ni Lorenzana, si Farhana ay agad inilabas sa Lanao del Sur upang maiwasan ang tangkang pagsagip sa kanya ng mga terorista.

“If you look at the hierarchy of the Maranaoans, they respect their elders, especially the mother, kaya we immediately flew Farhana out of the area,” dagdag ni Lorenzana.

READ MORE:  Death toll sa Marawi, umakyat sa 310

Naunang naaresto ang padre de familia ng Maute na si Cayamora Maute sa checkpoint sa Davao City, kasama ng kanyang pangalawang asawa na si Kongan Alfonso Balawag, anak na babae na si Norjannah Balawag Maute at manugang na lalaki na si Benzarali Tingao.

“This couple are actually the head, and the financier and the adviser of this Maute group, kaya malaki na nakuha natin sila,” pahayag pa ng Defense chief.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved