Tuesday , September 25 2018
Breaking News
You are here: Home / News / Mungkahi ni Angara: Rehab sa sugarol gawing simple
Mungkahi ni Angara: Rehab sa sugarol gawing simple

Mungkahi ni Angara: Rehab sa sugarol gawing simple

LUBOG sa utang, napababayaan ang pamilya at madalas, nadadamay  pa ang ibang tao sa isang indibidwal na lulong sa bis-yo tulad ng sugal.

Ayon kay Senator Sonny Angara, ito ang dahilan kung bakit kailangang paigtingin ng mga awtoridad ang kaukulang mga hakbang laban sa pagkalulong sa sugal.

Nanawagan ang senador sa mga kinauukulan na bigyan nang nararapat na pansin ang lumalalang suliraning ito ng pamaya-nan. Reaksiyon ito ng senador kaugnay ng naganap na trahedya sa Resorts World Manila kamakailan na ikinamatay ng 38 katao, kabilang ang gunman na si Jessie Carlos, na nag-amok sa naturang establisiyemento.

READ MORE:  Metro, CL, Cavite isinailalim sa flood alert

Si Carlos ay napag-alaman isang gambling addict na nalubog sa utang dahil sa kanyang bisyo.

Ayon sa imbestigasyon, base sa National Database of Restricted Persons ng Pagcor, isa si Carlos sa 400 gambling addicts na may exclusion orders mula sa korporasyon. Ang exclusion order ay maaaring ihain ng mismong manunugal upang makaiwas  sa paglalaro o kaya ay pinakamalalapit niyang kaanak.

“Hindi sapat na nakalista lang sila sa mga taong hindi pinapapasok sa mga casino. Ang nararapat sa kanila, sumailalim sa psychological counseling at nauukol na gamutan. Kailangan silang ma-rehabilitate para malutas ang pagkagumon nila sa sugal,” ani Angara.

READ MORE:  Cash gifts ng gov’t workers kasado na

“Tulad ng rehabilitasyon sa mga kaso ng drug addiction, sa ganitong paraan din dapat isailalim ang mga adik sa sugal. Kai-langan nila ang therapy, medication at community intervention,” dagdag ni Angara, isa sa mga may akda ng Mental Health bill na inaprobahan ng Senado kamakailan. Sa kasalukuyan, upang maiwasan ang pagka-adik sa sugal at ang mga posibleng masamang epekto nito sa mga manlalaro, nagpapatupad ang Pagcor ng mga programang ang layunin ay gawing responsable ang isang manunugal.

READ MORE:  MMDA, LTO, LTFRB, PNP-HPG isinailalim sa re-training

Kabilang rito ang pagsasa-nay sa mga gaming employee na alamin kung sino sa mga manlalaro ang gumon sa sugal, pagpapakalat ng mga impormasyon ukol sa kung paano maiiwasang maging gambling addict, at 24 oras na “helplines” na aagapay sa mga manlalarong nangangailangan ng tulong mula sa mga dalubhasa.

Ayon kay Angara, dahil pa-sado na ang Mental Health bill, umaasa siyang mapapabilang ang gambling rehabilitation sa mental health services at mga programa ng gobyerno na may kinalaman dito.  (NIÑO ACLAN)

COMMENTS

About Niño Aclan

Scroll To Top
 

Copyright hatawtabloid.com | All Rights Reserved