Tuesday , November 20 2018
Breaking News
You are here: Home / Showbiz / Angel sa relasyon niya kay Neil: Nasa dating stage pa lang kami
Angel sa relasyon niya kay Neil: Nasa dating stage pa lang kami

Angel sa relasyon niya kay Neil: Nasa dating stage pa lang kami

BAGO kami tumuloy sa Dolphy Theater na roon ang venue ng presscon ng La Luna Sangre ay dumaan muna kami sa dressing room ni Angel Locsin at inabutan naming kasama niya si Richard Gutierrez.

Kaagad namang bumeso ang aktres at sabay kaming inilapit kay Richard, “’te si Richard natatandaan mo?” Sabi namin, oo naman, unang ka-loveteam mo sa GMA (at nakipagkamay kami sa aktor).’

Masaya ang aktres na may special participation sila ni John Lloyd Cruz sa La Luna Sangre bilang sina Lia at Matteo (karakter nila sa Lobo) na gaganap na magulang ni Kathryn Bernardo sa karakter na Malia.

Paliwanag ni Angel, “Mahal na mahal ko kasi ‘tong project, (La Luna Sangre) kasi ‘di ba ‘Lobo’, naging ‘Imortal’. So talagang susuporta ako kina Daniel at Kathryn.”

READ MORE:  Coco, is a very good story teller, a very good director — Agot

Noong paalis na kami sa dressing room ay bumuling kami kay Angel kung ano na ang estado nila ni Neil Arce na lagi silang nakikitang magkasama.

“Sa totoo lang ate, dating stage palang kami as in,” nakangiting sabi sa amin.

Sagot namin ‘weeh, di nga?’

“Hindi pa, dating pa talaga. Siyempre kailangan pag-aralan, pag-isipan, alam mo na, mahirap na,” diin ng aktres.

Samantala, sa ginanap na Q and A ng La Luna Sangre ay natanong si Angel kung dumaan din siya sa training niyong Lobo days tulad ng ginagawa ngayon ni Kathryn.

READ MORE:  Katabaan ni Sharon, ginagawa na lang katatawanan

“Wala po kasi kaming training noon, pero ‘yung mga baril-baril tulad niyong kina Papa P (Piolo Pascual) iningatan po nila talaga ako ng bonggang-bongga,” nakangiting sabi ng dalaga.

Pambubuking ni direk Cathy Garcia Molina, “naku si Angel po, palong-palo nga ito. ‘Di po ba alam naman nating lahat na mayroon siyang diperensiya sa likod na inayos ‘di ba, so inaalagaan na nating huwag ng bumalik, so ako naman (panay ang bilin) na ‘wag na po sanang gawin ‘yan’ kaso katigas ng ulo, ginagawa pa rin. Pinapa-dobolan ko na, ayaw (ni Angel), sabi niya, ‘gagawin ko ‘yan direk’ sabi ko, ‘wag na, dobol na lang, baka mawalan kami ng Angel Locsin, ayaw niya po talaga, siya ang gumagawa.

READ MORE:  Italian GF na si Michela, suwerte kay James!

“Alam n’yo naman po si Angel Locsin, if she could do it, she really will. So ‘yung mga action scene po niya, siya po ang gumagawa,” kuwento ng direktor.

Ang katwiran naman ni Angel, “kung direktor ko nga po, ginagawa niya muna bago niya pagawa sa artista niya, bakit naman hindi ko gagawin ang trabaho ko.”

Mapapanood na ang La Luna Sangre sa Hunyo 19 mula sa Star Creatives.

FACT SHEET – Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved