Saturday , September 22 2018
Breaking News
You are here: Home / Showbiz / Sylvia Sanchez, sinabayan ni Elma Muros sa pagtakbo
Sylvia Sanchez, sinabayan ni Elma Muros sa pagtakbo

Sylvia Sanchez, sinabayan ni Elma Muros sa pagtakbo

HINDI nakikitaang humihingal si Sylvia Sanchez noong patakbo nilang inakyat ni Elma Muros ang hagdanan sa Ultra Oval noong isang araw.

Base sa video post ni Ibyang, patakbo nilang inakyat ni Elma ang hagdanan, “It is my pleasure running with you, Miss Elma Muros. Sana makuha ko kahit kalahati ng katawan at muscles mo. Hahaha hindi masamang mangarap.

“It’s Monday! Positive outlook in our lifestyle. Good vibes great company. Professional workout with our Olympian partner Ms, Elma Muros #mygreatestloves #motherandsonworkout #friendsworkout #professionalworkout #balikalindog #healthylife #tiisganda myeverything mylife #family #happiness #blessed #grateful #treasures #priceless #beautederm #beautèdermambassadress #beautèdermphilippines #thankuLORD.”

Tinanong namin ang aktres kung hindi siya nahirapan dahil base sa video ay hindi naman siya hiningal.

“Hingal sa umpisa, ngayon nakakapag-adjust na pero hingal pa rin ng kaunti,” sagot sa amin.

Bagamat malaki na ang nabawas sa timbang ni Ibyang ay hindi niya alam kung ilan dahil, “hindi ako nagtitimbang.”

PAGHAHANDA
SA INDIE FILM AT IBA
PANG PROJECT

Inalam namin sa aktres kung bakit kailangan niyang maging fit at magbawas ng timbang, paghahanda ba ito sa indie film na gagawin niya sa Cinema One Originals na sisimulan ngayong Hulyo?

“Sa lahat na para ‘pag may next project ibang Sylvia Sanchez ang makita nila,” sagot sa amin.

Sa tanong namin kung anong next teleserye na gagawin ng aktres pagkatapos ng The Greatest Love, “sabi nila (management), mayroon, eh, wala pa namang binanggit kung ano, on the works pa. Naghihintay lang ako ng sasabihin nila.”

Pero ang sigurado ay sa parehong produksiyon ng TGL siya gagawa ng serye, kay Ms. Ginny M. Ocampo unit.

IBYANG MARAMING
FANS SA TFC

Sa totoo lang, ang daming TFC subscriber ang nagtatanong sa amin kung anong next drama series ni Ibyang at kung kailan naman siya magkakaroon ng show sa San Francisco, San Diego, at Los Angeles katulad ng ibang serye na iniimbita roon ng TFC.

Nakikita lang kasi ang TGL star kapag namamasyal o nagbabakasyon.

Binanggit namin ito kay Ibyang, “hindi naman nila ako iniimbita roon.”

O, hayan sa TFC, try n’yo rin isama si Nanay Gloria sa mga show ninyo dahil marami rin siyang fans doon ‘no. May Sylvianians Global na nga.

FACT SHEET Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved