Sunday , September 23 2018
Breaking News
You are here: Home / Sports / Warriors 2-0 na sa NBA finals
Warriors 2-0 na sa NBA finals

Warriors 2-0 na sa NBA finals

HINDI ulit pinaporma ng Golden State Warriors ang Cleveland Cavaliers sa Game 2, 132-113 upang ipos-te ang komportableng 2-0 kalamangan sa kanilang best-of-7 NBA Finals series kahapon sa Oracle Arena sa Bay Area.

Abanse ng 67-64 sa halftime, tinapakan ng Warriors ang pedal sa ikatlong kanto upang magtayo ng mala-king 102-88 kalamangan papasok sa ikahuling quarter.

Umabot hanggang 111-89 ang lamang ng Warriors para sa kanilang ikalawang sunod na pagtambak sa nagdedepensang kampeon na Cavaliers. Ibinaon din nila ang Cavs sa Game 1, 113-91.

READ MORE:  Beach Volley Republic on-tour sa Clark

Ito na ang ika-14 panalo ng Golden State sa playoffs at nanatiling walang dungis. Ang 14 na sunod na panalo sa post-season ang pinakamahaba sa kasaysayan ng NBA.

Muli na namang bumida para sa Warriors ang bagong saltang si Kevin Durant sa kanyang 33 puntos, 13 rebounds, 6 assists at 5 blocks habang solido na naman ang suporta ng kanyang katambal na si Stephen Curry na nagkamal ng 32 puntos, 10 rebounds at 11 assists.

READ MORE:  SMB-Alaska legend games sa Gilas break (Throwback Manila Clasico)

Nawalan ng saysay ang 29 puntos, 14 assists at 11 rebounds ni LeBron James para sa Cavs na mababaon sa 0-2 sa ikalawang sunod na pagkaka-taon. Nag-ambag ng 29 at 19 puntos ang mga kasangga ni James na si Kevin Love at Kyrie Irving, ayon sa pagkakasunod ngunit hindi pa rin sumapat.

READ MORE:  So pinagpag si Kamsky

Nabaon sa 0-2 ang Cavs noong nakaraang taon kung kailan nakabalik sila mula hanggang 1-3 na pagkakaiwan upang ibulsa ang kampeonato. Warriors naman ang nanalo sa una nilang paghaharap.

Tatangkaing lumayo ng Warriors sa 3-0 at bahag-yang tanawin ang ikalawang kampeonato sa tatlong taon sa pagdayo nila sa Quicken Loans Arena sa Cleveland, Ohio sa Game 3 habang susubukang ilapit ng Cavs sa 1-2 ang serye.

(JBU)

COMMENTS

About John Bryan Ulanday

Scroll To Top
 

Copyright hatawtabloid.com | All Rights Reserved