Saturday , November 17 2018
Breaking News
You are here: Home / Showbiz / Concert ni Nora sa Oktubre, kasado na
Concert ni Nora sa Oktubre, kasado na

Concert ni Nora sa Oktubre, kasado na

NITONG nakaraang Martes ng hapon ay hitsura ng tribute para kay Nora Aunor ang kinalabasan ng programang Cristy Ferminute sa Radyo 5.

Isang araw kasi matapos niyon ay ipinagbunyi ng mga tagahanga ng nag-iisang Superstar ng bansa ang golden anniversary ng pagiging kampeon nito sa Tawag ng Tanghalan.

Straight na 14 weeks kasing bitbit ni Ate Guy ang kanyang titulo bilang TNTchampion noong May 27, 1967. Ang kanyang winning piece ay angMoonlight Becomes You.

READ MORE:  Enrique, type ni Kris?! (Kuya Boy, ‘di kinaya ang pag-aaya ng inuman ni Tetay)

Sa naturang radio program ay pinatugtog namin sa himpapawid ang mga awitin ni Nora, maging ang People na ipinanlaban din niya. May ipinasulyap pa kaming litrato ni Ate Guy, hawak nito ang kanyang tropeo katabi ang tiyahing si Mamay Belen.

Pero ang mas ikinaantig ng aming damdamin ay ang nakalkal naming piyesa ni Nora na pinamagatang Habampanahon. Courtesy ‘yon ng ilang Noranians.

READ MORE:  Sylvia Sanchez, kumakain ng tao sa horror-drama movie na Nay

Ang nasabing awitin—na hindi pa commercially released—ay piyesang nai-record ni Ate Guy bago nagkadiperensiya ang kanyang boses.

Swak ang mga lyric ng kantang ‘yon, walang iniwan sa isa pa niyang kantang Handog mula sa komposisyon ni Florante.

Malinaw na pagsilip ang Habampanahon sa mga tunay na kaganapan sa masalimuot na buhay ni Ate Guy, mula sa kanyang pangarap na nagkaroon ng katuparan hanggang sa kanyang popularidad bilang isang mang-aawit-aktres.

READ MORE:  Tates Gana, mas kinakampihan kompara kay Bistek

Balitang sa darating na Oktubre ay wala nang urungan ang kasado na niyang concert. Magandang balita ito sa grupo-grupo niyang mga tagasuporta.

Kung medyo malamlam ang pagtanggap kadalasan ng mga Noranian sa mga pelikula ng kanilang idolo, sana’y sa pagkakataong aangkinin muli nito ang entablado para magtanghal ay naroon sila, kapit-bisig na pupunuin ang concert venue.

HOT, AW! – Ronnie Carrasco III

COMMENTS

About Ronnie Carrasco III

Scroll To Top
 

Copyright hatawtabloid.com | All Rights Reserved