Tuesday , November 20 2018
Breaking News
You are here: Home / Showbiz / Jao Mapa, isang kariton teacher sa pelikulang New Generation Heroes
Jao Mapa, isang kariton teacher sa pelikulang New Generation Heroes

Jao Mapa, isang kariton teacher sa pelikulang New Generation Heroes

KAKAIBANG papel ang natoka kay Jao Mapa sa pelikulang New Generation Heroes ni Direk Anthony Hernandez. Ang pelikula ay based on true events at nagpapakita ng apat na klaseng guro na may kanya-kanyang kuwento. Makikita rito sina Salvacion Fajardo, Gener, Lolita at Cora, ang apat na indibidwal na humaharap sa iba’t ibang pagsubok at pakikibaka sa buhay.

Kung paano sila magpapakita ng katatagan ay siyang titimbang sa kanilang pagkatao. At kung paano sila gumawa ng desisyon sa bawat pagsubok ay si-yang sasalamin kung paano sila hinubog ng panahon at mga leksiyon na natutunan sa buhay, na sa kabila ng kanilang pagiging ordinar-yong tao, ay matatawag din silang mga bayani ng makabagong henerasyon.

READ MORE:  Sikat lang pero hindi It Girl!

Ayon kay Jao, masaya siya sa kanyang bagong pelikula, bukod kasi sa isa siya sa apat na bida rito, gumaganap si-yang guro sa naturang pelikula. Ang peg ng role niya ay si Efren Peñaflorida, ang binansagang pushcart educator dahil nagtuturo siya sa kalye sa mga streetchildren gamit ang kanyang kariton. Dahil dito, noong 2009 ay naging CNN Hero of the Year si Efren.

“Enjoy naman ako sa paggawa ng project na ito, relax lang kasi at walang pressure. Lalo na kapag indie film, talagang nandoon ‘yung respect. So, masayang katrabaho si Direk Anthony na ngayon ko lang nakatrabaho, masarap at masaya ang trabaho rito,” saad ni Jao na dating member ng Guwapings.

READ MORE:  LJ, tinanggihang makipagbalikan kay Paulo dahil napagod na raw siya

Dagdag niya, “Nagpapasalamat lang ako na may dumarating pa rin na opportunity para ma-gamit ko ‘yung aking kakayahan, ang aking talento. Lalo na rito sa mga ganitong pelikula, na isang advocacy movie.”

Nabanggit pa ni Jao na thankful siya dahil marami silang eksena rito ng beteranang aktres na si Ms. Anita Linda. “Siyempre, isang malaking karangalan na makatrabaho siya. I would help her memorize her lines along with the patience of the whole crew and Direk Anthony.

“At most, hangang take three kami. And she’d tell me stories that she was a photo model for Amorsolo, the national artist. The portrait hangs on her wall. Kaya exciting at happy ako na makasama ko siya sa maraming eksena rito.”

READ MORE:  Listahan ng mga baklang actor, ipinahahanap ng producer-manager

Bukod kina Jao at Ms. Anita, tampok din sa New Generation Heroes sina Aiko Melendez  at ang model/fashion and jewelry designer na si Joyce Peñas.

Kasama rin sa movie sina Gloria Sevilla, Dexter Doria, Debraliz Valasote, Rob Sy, Alvin Nakasi, Aleera Montalia, JM del Rosario, Andrea Kate Abellar, at iba pa. Ito’y mula sa Golden Tiger Films ni Mr. Gino Hernandez at ipalalabas this September.

ALAM MO NA! – Nonie V. Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved