Saturday , September 22 2018
Breaking News
You are here: Home / News / Gunman sa casino ex-finance employee na lulong sa sugal

Gunman sa casino ex-finance employee na lulong sa sugal

IPINAKIKITA ni NCRPO director, Chief Supt. Oscar Albayalde ang retrato ng suspek na kinilalang si Jessie Carlos, responsable sa pag-atake sa Resorts World Manila na ikinamatay ng 37 katao. (BONG SON)

IPINAKIKITA ni NCRPO director, Chief Supt. Oscar Albayalde ang retrato ng suspek na kinilalang si Jessie Carlos, responsable sa pag-atake sa Resorts World Manila na ikinamatay ng 37 katao. (BONG SON)

TUKOY na ang pagkakakilanlan ng lalaking umatake sa Resorts World Manila (RWM) nitong Bi-yernes.

Kinilala ang suspek na si Jessie Javier Carlos, 42 anyos, residente ng Sta. Cruz, Maynila.

Positibo siyang kinilala ng kanyang mismong pamilya.

Dating kawani ng gobyerno si Carlos na nakadestino sa One Stop Shop ng Department of Finance (DoF).

Sinibak siya sa puwesto dahil sa sinasa-bing maling deklaras-yon at hindi pagsisiwalat ng ilang detalye sa kanyang Statement of Assets, Liabilities, and Net Worth.

Ayon kay National Capital Region Police Office (NCRPO) director, Chief Supt. Oscar Albayalde, base sa sinabi ng pamilya ng gunman, lulong sa sugal si Carlos.

Baon din anila sa utang na P4 milyon sa banko at may iba pang pinagkakautangan sa labas ng banko.

Dahil sa bisyo at sa pagkakautang, nagkaroon ng lamat ang relas-yon ng gunman sa kanyang mga magulang at misis.

Napilitan din ang gunman na ibenta ang kanyang mamahaling SUV at iba pang mga ari-arian dahil sa mga utang.

Magugunitang nitong Biyernes, 2 Hunyo, pinasok ni Carlo ang RWM habang armado ng M-14 assault rifle.

Sa CCTV na inilabas ng NCRPO at ng hotel-casino, nakitang pinaputukan ni Carlos ang kisame ng hotel-casino at saka sinunog ang mga mesa at slot machines.

Umabot sa 37 katao ang namatay bunsod nang matinding usok dulot ng sunog.

Kalauna’y nagsunog at nagbaril sa sarili ang gunman. (JAJA GARCIA)

COMMENTS

About Jaja Garcia

Scroll To Top
 

Copyright hatawtabloid.com | All Rights Reserved