Friday , March 29 2024

Coco bagong Commercial King

Kung pagbabasehan ang dami ng TV commercials ni Coco Martin na kasalukuyang umeere sa iba’t-ibang TV networks partikular na sa ABS-CBN ay walang duda na si Coco na ang bagong “Commercial King.” Magmula sa pagkain, gatas, food chain, TV gadget, sabong pampagwapo unibersidad, inuming panlalake ay sakop na lang ng Hari ng Telebisyon hindi pa kasama rito ang ilang niyang Print Ads. We heard, na this year ay marami pang naka-line up na endorsements si Coco ibig sabihin ay epektibo siyang endorser kaya’t kaliwa’t-kanan ang kumukuha sa serbisyo ng sikat na Kapamilya actor.

KASALAN NILA NI YASSI PRESSMAN
SA FPJ’S ANG PROBINSYANO
HUMAMIG NG 41.1% NA RATING

052417 Coco Yassi Cardo Alyana

Sinubaybayan ng mas maraming manonood ang pinakahihintay na kasalan nina Cardo (Coco Martin) at Alyanna (Yassi Pressman) sa “FPJ’s Ang Probinsyano,” kaya naman hindi ito natinag sa TV ratings sa buong bansa at tinalo ang pagtatapos ng dati nitong katapat noong Biyernes (May 19) at ang pag-uumpisa ng bago nitong kari-bal noong Lunes (May 22). Nito ngang Biyernes, tinutukan ang matamis na pag-iisang dibdib ng dalawa nang makakuha ang Kapamilya serye ng national TV rating na 36.6%, kompara sa pagtatapos ng “Encantadia” ng GMA na nakakuha lang ng 27%, ayon sa datos ng Kantar Media na sakop ang kabahayan sa urban at rural Philippines. Nagpatuloy ang madamdaming kasalan at nagsimula naman ang maaksyong kaganapan sa serye hanggang Lunes (May 22), na nagtala ng national TV rating na 41.1%, laban sa pag-uumpisa ng “Mulawin vs. Ravena” na nagtala lamang ng 22.5%. Tinutukan din maging ng netizens ang mga makapigil-hiningang tagpo sa seryeng pinagbibidahan ni Coco matapos maging trending topic sa Twitter ang official hashtags ng palabas na #FPJAPKasal at #FPJAPSingilan at makakuha ng libo-libong tweets. Samantala, sa pag-aakalang tapos na ang mga kaguluhan, aabot na sa sukdulan ang tapatan nina Cardo at Joaquin (Arjo Atayde) ngayong hawak na ng huli si Al-yanna at ilalagay ang buhay nito sa kapahamakan.Pero hindi naman susuko si Cardo na mabawi siya mula sa kamay ng kanyang mortal na kalaban at sisiguraduhing pagbabayaran niya ang lahat ng kanyang kasalanan. Kaninong buhay kaya ang susunod na mapapahamak? Maisalba kaya ni Cardo ang buhay ng kanyang asawa? Magtagumpay kaya si Joaquin sa kanyang mga plano? Huwag palampasin ang mga maaksyong tagpo sa numero unong primetime teleserye, “FPJ’s Ang Probinsyano,” gabi-gabi sa ABS-CBN o sa ABS-CBN HD (SkyCable ch 167). Pwede ring mapanood ang past episodes ng pa-labas sa iWanTV.com o sa skyondemand.com.ph para sa Sky subscribers.

KARERA NANG MGA PUSO
NINA GABRIEL AT CARLOS KAY
BIANCA NAGSIMULA NA
SA “IKAW LANG ANG IIBIGIN”

Ayaw nang papigil nina Gabriel(Gerald Anderson) at Carlos(Jake Cuenca) sa kanilang paligsahan sa puso ng babaing pareho nilang mahal na si Bianca(Kim Chiu). Palaban na si Gabriel sa among si Carlos na madalas laitin ang kanyang pagkatao kaya’t pinatikim na niya ito ng pang-aasar at sinabihang basted ito kay Bianca. Sa pagitan ng dalawang binata ay higit na mas may karapatan si Gabriel dito kay Bianca dahil mula pagkabata ay malapit na sila sa isa’t-isa. Hindi naman matanggap ni Isabel(Coleen Garcia) na naghahabol at ipinagpipilitan ni Carlos ang kanyang sarili kay Bianca kaya’t sinabihan nito ang dalaga na oportunista at pa-hard to get. Samantala ngayong nakalaya na sa kulungan ang ama ni Gabriel na si Rigor(Daniel Fernando) ano kaya ang pasa-sabugin nitong lihim lalo’t tinatanong na siya ng kanyang inang si Lydia o Lola Ganda(Gina Pareno) kung sino ang totoong nanay ng apong si Gabriel. At sa pagkakalayang ito ni Rigor ay sobrang bothered naman si Victoria(Ayen Munji-Laurel) may kinatatakutan ba siyang multo? Tutok lang weekdays, at huwag bibitaw sa panonood ng lalong painit na painit na mga tagpo sa Ikaw Lang Ang Iibigin, na napapanood pagkatapos ng Kapamilya Blockbusters sa Prime Tang-hali ng ABS-CBN-2.

VONGGANG CHIKA! – Peter Ledesma

About Peter Ledesma

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *