Ria, walang takot makipagsalpukan kay Coney Reyes

DAPAT papurihan at palakpakan ang dalawang Kapamilya director ng My Dear Heart, sina Jerome Pobocan at Jojo Sagun. Nagawa nilang bigyang buhay ang character na matagal na naming nadidinig pero ayaw paniwalaan.

Iyon ang taong may third eye o ang nakikita ang kaluluwa ng kapwa.

Perfect ang mga gumaganap sa karakter na kinuha nila para bumuhay sa isang istoryang may temang kababalaghan.

Pinataob nito ang tambalang AlDub na kasabay nilang umeere.

Imagine, dalawang bata, sina Nayomi Ramos (Heart) at Enzo Pelojero (Bingo) ay nakuha nilang panabikin sa araw-araw na panoorin ang teleserye.

Walang duda na magaling si Coney Reyes pero magaling ding umarte ang anak ni Sylvia Sanchez na si Ria Atayde. Wala siyang takot makipagsagutan at makipagsabayan sa gumanap niyang inang si Dr. Margaret Divinagracia (Coney).

Tunay na magaling ang dalawang director na pinagsama ang kanilang idea para hindi makaporma ang kasabayang serye.

SHOWBIG – Vir Gonzales