Saturday , September 22 2018
Breaking News
You are here: Home / Showbiz / BG Productions, gagawa na ng mainstream movie
BG Productions, gagawa na ng mainstream movie

BG Productions, gagawa na ng mainstream movie

SUNOD-SUNOD na papuri at tagumpay ang natatanggap ng BG Productions Inc., mula sa kanilang mga pelikulang Area, Laut, at Iadya Mo Kami kaya naman inihayag ng CEO nito na gagawa na sila ng mainstream movie.

Sa Thanksgiving presscon, sinabi rin ni Madame Baby Go, CEO ng BG Prod. na nakipag-usap na sila kay Cong. Vilma Santos-Recto para gumawa ng pelikula sa kanila.

Ani Go, umaasa siyang magugustuhan ni Cong. Vilma ang script na ipadadala niya. Iyon ay ang biopic tungkol sa buhay ni Go na gusto niyang gampanan ng Kongresista.

Samantala, personal na iniabot ni Madame Baby ang best actress trophy ni Ai Ai delas Alas na napanalunan sa katatapos na Asean International Film Festival & Awards sa Malaysia para sa pelikulang Area. Nagwagi rin sa pelikulang ito si Louie Ignacio bilang Best Director. Samantalang si Ana Capri naman ay Best Supporting Actress para sa pelikulang Laut.

Samantala, sa 15th Gawad Tanglaw Awards ay nagwagi naman bilang Best Actor si Allen Dizon para sa Iadya Mo Kami gayundin si  si Aiko Melendez bilang Best Supporting Actress. Wagi rin sila kapwa sa 19th Gawad Pasado.

SHOWBIZ KONEK – Maricris Valdez Vicasio

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved