Saturday , November 17 2018
Breaking News
You are here: Home / Opinion / P15.2–M gastos sa hotel at seminars ng DILG pinansin ng COA
P15.2–M gastos sa hotel at seminars ng DILG pinansin ng COA

P15.2–M gastos sa hotel at seminars ng DILG pinansin ng COA

GUMASTOS ng P15.2 milyones ang Department of the Interior and Local Governments (DILG) para sa hotel accomodations sa kanilang mga inilunsad na seminars noong 2016.

Pinuna ito ng Commission on Audit (COA) dahil kung tutuusin, puwede namang P5.53 milyon ang gastos kung gagamitin ang isang training center na dati na nilang ginagamit.

Tinutukoy ng COA, ang training center sa Los Baños, Laguna kaya lumalabas na ‘unnecessary amounts’ ang gastos nila sa kanilang seminars sa mga hotel sa Metro Manila.

Ikinatuwiran ng LGA na hindi nila magamit ang kanilang training center sa University of the Philippines Los Baños (UPLB) dahil hindi pa umano nare-repair.

Napansin din umano ng COA na trainings ang malaking gastos ng LGA. Mas malaki pa sa “maintenance and other operating expenses ng LGA.

Noong 2016 umabot sa P109.27 milyon ang gastos sa trainings. Mataas ito nang 42 percent sa P76.89 milyong gastos noong 2015.

050917 COA DILG money

Mas mainam umano na agad inasikaso ng LGA ang repair sa training center sa UPLB dahil nakakontrata ito sa kanila sa loob ng limang taon (July 2012–July 2017).

Ang training center ay 38,766-square meter facility, na mayroong  conference hall na may 200-kataong kapasidad, may limang meeting rooms na may 20-40 kataong kapasidad at case room na may 80-100 kataong kapasidad.

Kompleto rin sa kagamitan gaya ng overhead projectors, video players at television sets. May dormitoryong 150-katao ang puwedeng gumamit at executive rooms para sa 50-kataong kapasidad.

Ibig sabihin napakalaking halaga ang nasasayang sa pondo ng DILG dahil sa trainings/seminars ng mga taga-DILG lalo na ng barangay officials.

Hindi ba’t mayroon pang mga lakbay-aral at iba pang activity na inilulunsad ang DILG?! Kadalasan ay ginagawa ito tuwing malapit na ang eleksiyon.

Sa katunayan, isa ito sa mga aktibidad na inaabangan ng barangay officials dahil kahit paano ay nakapagre-relax sila at natututo pa.

‘Yun lang, mukhang pinupuna ng COA na hindi wasto o hindi praktikal ang paggamit ng LGA sa kanilang training center.

E bakit nga naman limang-taon ang kontrata nila sa training center pero hindi nila ginamit?!

Sayang na sayang ang pondo.

Kung kailan naaprubahan ang repair and maintenance ‘e tapos na rin ang limang-taong kontrata.

Arayku!

Mukhang nakaamoy tayo ng ‘malansang isda’ sa mga transaksiyon na ito?!

KOLORUM NA BUS
BAWAL SA SWIPT

050917 MMDA SWIPT terminal

Isa sa layunin ng Metropolitan Manila Development Authority (MMDA) sa operasyon ng Southwest Interim Provincial Terminal (SWIPT) sa HK Sun Plaza sa Macapagal Blvd., ay matanggal o wakasan ang operasyon ng mga kolorum na bus t iba pang kolorum na sasakyan.

Kasabay nito, maging komportable ang commuters na taga-Cavite, Laguna at Batangas.

Mangyayari ito sa pamamagitan ng isang computerized management ng mga bus na lilipat sa SWIPT sa Pasay City

Una na umanong ipinatupad ang Bus Management and Dispatch System (BMDS), sa Quezon City terminals noong 2013. Sa pamamagitan nito mare-regulate din ang bilang ng pasahero sa mga bus na yumayaot sa kalsada.

Rehistrado rito ang mga driver kabilang ang traffic violations na hindi pa nila napagmumultahan.

Bago lumipat sa SWIPT, kailangang mairehistro ang bus at driver sa pamamagitan ng pag-stencil sa chassis at engine number para siguradong valid ang registration ng bus at hindi kolorum.

Ayon mismo ‘yan kay Bong Nebrija, MMDA supervising officer for operations.

Umabot na sa 200 buses ang lumipat mula sa lumang terminal sa Coastal Mall, Parañaque City patungong new terminal sa HK Sun Plaza, Diosdado Macapagal Boulevard sa Pasay City.

Ang SWIPT ay kayang tumanggap nang mahigit 1,000 buses mula Cavite at Batangas.

Aba, malaking tulong ito para tuluyang mabawasan ang mga kolorum na bus at ilegal na terminal.

Napagtanto natin na ang mga illegal terminal ang nagkakanlong sa mga kolorum na bus, UV Express at kolorum na van.

Kaya naman pala, walang tigil ang illegal terminal sa Lawton kasi nga karamihan sa kanila ay kolorum.

Dapat suportahan ng mga legal na bus ang SWIPT nang sa gayon ay tuluyang maihiwalay ang mga kolorum.

Kapag nangyari ‘yan, tiyak tapos ang LIGAYA ng mga nakikinabang sa illegal terminal sa Lawton.

Ano sa palagay ninyo MTPB chief, Dennis Alcoreza?

KASKASERONG
DRIVER SA BACOOR

CHAOTIC ang buong Bacoor portion ng Aguinaldo Highway, Cavite, mapa-umaga at gabi. Walang gnagawa ang mga motorsiklo doon kundi mag- counterflow at ang tatapang. Hindi takot mag-head-on collision ‘di lng sa mga kotse kundi sa mga truck. Paging Lani n Strike!

+63975553 – – – –

GANYAN BA TALAGA
SA MAYNILA NGAYON?

GOOD morning sir, d2 ba talaga sa Manila kay Mayor Erap, ang patakaran kung pumarada ka sa kalsada ay mayroon agad lumalapit sa iyu para maniket? Bakit sa iba walang ganun sir? Lalo na d2 sa Binondo. Dami naniniket pero ‘yun iba hndi nag-iisyu ng tiket.

+63922471 – – – –

HINDI HINAHAKOT
ANG BASURA
SA BRGY. STO. CRISTO,
CSJDM BULACAN

SIR Jerry, 2 weeks na pong hindi kinukuha ang basura namin d2 sa Brgy. Sto. Cristo SJDM Bulacan. Ayon po sa mga naririnig namin, ipinatigil daw po ni Meyor ang paghakot d2 lang po sa aming barangay. Baka naman matulungan n’yo kami.

+63932861 – – – –

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
READ MORE:  Digong patok pa rin sa taongbayan!

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved