Thursday , September 20 2018
Breaking News
You are here: Home / Showbiz / Sharon-Gabby movie, naudlot na naman
Sharon-Gabby movie, naudlot na naman

Sharon-Gabby movie, naudlot na naman

MATAPOS tila mag-urong-sulong at ang sala-salabat na balita ukol sa gagawing movie nina Sharon Cuneta at Gabby Concepcion, finally ay official nang hindi na ito matutuloy muna para sa taong 2017.

Bago ito, nagkaroon din ng alingasngas nang lumutang na ang hinihinging TF o talent fee ni Gabby para sa pelikula nila ni Sharon ay 10 million pesos.

Tapos ay tila nabantilawan ang pag-asa ng mga maka-Sharon at Gabby sa reunion movie ng kanilang mga idolo nang ipahayag ni Gabby na nakatali siya sa GMA-7, kaya hindi niya priority ang pelikula with the Megstar.

Sa naunang panayam naman kay Sharon, although aminado siyang nagkaroon daw ito ng aberya sa mga nakaraang buwan dahil sa schedules, wala rin itong katiyakan, kahit na tila umaasa ang aktres na matutuloy pa ito.

Pero base sa Facebook page ng Sharon Cuneta Official, kinompirma dito na hindi muna ngayong 2017 matutuloy ang reunion movie nila ng ex-husband na si Gabby.

“Thanks for all your prayers and I am sorry it’s not pushing through. But please be happy for me — because I am very happy with the new project Star Cinema is now preparing for me! God bless us all. Good night and love you guys!>>>”

ALAM MO NA! – Nonie V. Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved