Thursday , November 15 2018
Breaking News
You are here: Home / Opinion / Anti-manggagawang e-Passport kanselahin sa private contractor kung ginugulangan ang kaban ng bayan!
Anti-manggagawang e-Passport kanselahin sa private contractor kung ginugulangan ang kaban ng bayan!

Anti-manggagawang e-Passport kanselahin sa private contractor kung ginugulangan ang kaban ng bayan!

BILYON-BILYON ang kinikita ng Asian Productivity Organization – Production Unit Inc. (APO-PU) at kinuha nitong sub-contractor na United Graphic Expression Corp. (UGEC), sa pag-iimprenta ng e-passport.

‘Yan ang lumalabas sa kuwentadang P950 to P1,200 kada passport sa 17,000 applications sa isang araw.

Nakatatanggap ang DFA ng tinatayang 17,000 passport applications sa isang araw. At dahil mayroon na ngang online solutions, ang applications ay 24/7, kaya tinatayang nakapagpoproseso ang DFA ng 5.1 milyong aplikante kada taon.

Karamihan sa mga aplikanteng ito ay overseas Filipino workers (OFWs) na sabi nga ng PAFLU ay unang-unang naaagrabayado sa anti-worker na e-passport ng APO-PU at UGEC.

Sabihin na nating ang presyo ng Philippine passport ngayon ay P950 bawat isa. Lalabas na ang DFA, APO at UGEC ay kumikita ng P500 sa bawat passport na naire-release.

Kung imu-multiply ito sa output na 5.1 milyon kada taon, klarong-klaro na kumita sila ng P2.55 bilyon. Ang kanilang kontrata ay 10 taon, kaya sa loob ng panahong ‘yan ang APO-PU at UGEC ay magkakamal ng P25.5 bilyon sa ilalim ng 10-90 scheme.

Wattahek?!

Higit pa sa tubong-lugaw!

Hindi lang tubong-lugaw, iginisa pa sa sariling mantika ang sambayanan.

082616 immigration passport plane

Alam ba ninyong umutang pa sa Development Bank of the Philippines (DBP) ang UGEC para makapagpatayo ng imprenta sa LiMa (Lipa-Malvar) Economic Zone sa Batangas?

Ibig sabihin, pera ng gobyerno ang ipinuhunan, pero ‘yung tubo na tumubo na parang lugaw, sa APO-PU at UGEC napunta.

Wattafak?

Heto ngayon, sa kabila nang ganyan kalaking kinikita ng APO-PU at UGEC, aba, palpak pa rin ang serbisyo ng e-passport.

Sa pagkuha pa lang ng schedule sa online ‘e aabutin na ng tatlong buwan. At kahit magbayad ng P1,200 ang aplikante para sa mas mabilis na pagpoproseso, hindi pa rin matiyak kung kailan darating ang passport.

Kaya ang resulta, sa Consular Office ng Department of Foreign Affairs (DFA) nagagalit ang mga aplikante.

Hindi nila alam na ang aberya ay nagmumula sa APO-PU at sa UGEC.

Ang tanong ngayon, bakit hinahayaan ng DFA na manatili ang pag-iimprenta ng e-passport sa APO-PU at UGEC kung hindi maresolba ang mga kapalpakan?!

Bakit hindi ibalik sa Bangko Sentral ng Pilipinas (BSP)?

By the way, hindi ba’t ang APO-PU ay nasa ilalim ng Presidential Communications Operations Office (PCOO) na pinamumunuan ngayon ni Secretary Martin Andanar?!

Secretary Andanar, hindi nga sa administrasyon ninyo naaprubahan ang kontrata ng APO-PU at UGEC pero umiiral pa rin hanggang ngayon sa ilalim ng iyong pamumuno.

Kung ang e-passport ay nanatiling anti-manggagawa at ginugulangan ang sambayanan, bakit hindi pa kanselahin ang umiiral na kontrata sa APO-PU at sa UGEC at ibalik sa BSP ang pag-iimprenta ng e-passport?

Secretary Andanar, Sir, pakiklaro nga sa amin ang isyung ito!

Dra. VICKY BELO
ANIMAL LOVER
NA PALA NGAYON?

032917 hayden kho Vicky Belo

Trending ngayon ang ginawang paninisi umano kay Pangulong Rodrigo “Digong” Duterte ni Dra. Vicky Belo dahil sa napapabayaang mga Zebra at Giraffe sa Calauit Sanctuary Park sa lalawigan ng Palawan.

Nagkasakit na raw ang mga Zebra at Giraffe sa Calauit na mula noong panahon umano ni Pangulong Ferdinand Marcos hanggang kay PNoy ay pinangangalagaan.

Ngayon daw sa administrasyon ni Pangulong Digong ay nagkakasakit na ang mga Zebra at Giraffe.

Sa totoo lang, noong 1981 pa lang, nagkaroon na ng problema sa maintenance ng nasabing sanctuary park.

Noong panahon ni Marcos, ito ay pinopondohan ng Office of the President. Sa kasalukuyan ito ay pinamamahalaan ng Palawan Council for Sustainable Development (PCSD).

Sa pamamagitan ng Executive Order No. 722 na ini-ratify noong December 12, 2008, ang pamamahala sa Sanctuary ng Palawan Council for Sustainable Development ay nailipat sa Provincial Government of Palawan noong March 23, 2009 at ipinalit ang bagong pangalan na Calauit Safari Park.

Dinarayo ito bilang eco-tourism attraction.

Dra. Belo, ‘yan po ang history ng Calauit Safari Park. Research-research din muna bago kaladkarin ang pangalan ng presidente.

Kung naaawa ka sa mga nagkakasakit na Zebra at Giraffe, e baka puwede ipadala mo muna si Dr. Hayden doon para alagaan sila?!

Kapag nagawa mong ihiwalay sa iyo si Doc Hayden, ‘e baka maniwala kami na isa kang tunay na animal lover.

‘Yun lang!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
READ MORE:  Eat Bulaga at ang Senado

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved