Friday , September 21 2018
Breaking News
You are here: Home / Showbiz / Liza, top choice bilang Darna; Ogie Diaz, puring-puri ang alaga
Liza, top choice bilang Darna; Ogie Diaz, puring-puri ang alaga

Liza, top choice bilang Darna; Ogie Diaz, puring-puri ang alaga

HANGGANG ngayo’y palaisipan pa kung sino ang ipapalit ng ABS-CBN kay Angel Locsin para gumanap na Darna.

Maraming pangalan ng mga artista ang lumalabas, pero sinasabing top choice si Liza Soberano.

Kaya naman nang makausap namin ang manager ng dalaga na si Ogie Diaz, ay tinanong namin ito kung totoo.

Ayon kay Ogie, alam niyang kasama ang kanyang alagang si Liza sa mga pinagpipilian, pero hindi raw siya ang tamang tao para mag-announce kung sino ang napili ng management (ABS-CBN).

Pero gayun na lamang ang pasalamat niya sa supporters ni Liza dahil simula pa lang na pumutok na hindi na puwedeng gawin ni Angel ang Darna, ay agad na nai-suggest ang pangalan ni Liza.

At dahil sexy ang costume ni Darna, tinanong si Ogie kung okey lang iyon sa kanya.

“Naku, iba na ang technology ngayon, makabago na. Hindi pa natin alam kung ano ang mangyayari pa talaga riyan kaya ang hirap magsalita,” sagot ni Ogie.

Sa kabilang banda, puring-puri ni Ogie ang kabaitan at pagiging masunurin ni Liza. Kaya naman ikinatutuwa niya na unti-unti nang natutupad ang mga pangarap ng dalaga.

Ani Ogie, nakapagpundar na ng mga bahay at kotse si Liza. Ito pala ang ipinangako ng dalaga noon kay Ogie na pagpupursigihang matupad ang mga ito.

Bukod sa bahay at sasakyan, nakapagpundar na rin ng negosyo si Liza.

Isa pa sa pagiging masunurin ni Liza ay ang pagsunod nito sa sinabi ni ogie na bawal siyang mag-boyfriend.

Esplika ni Ogie, “Akala ni Liza noong una, nasa contract ‘yun. Kasi, hindi naman siya nagbabasa talaga ng contract. Kaya sabi ko, ‘May kontrata tayo, hindi ka muna magbo-boyfriend.’” Kaya naman sinunod iyon ng dalaga.

Pero sakaling sagutin na ni Liza si Enrique, iginiit ni Ogie na hindi naman siya magagalit kay Liza. “Mas magagalit naman ako kung magkaka-girlfriend si Liza.”

SHOWBIZ KONEK – Maricris Valdez Nicasio

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved