Saturday , November 17 2018
Breaking News
You are here: Home / News / Matobato nagpiyansa (Sa frustrated murder case)

Matobato nagpiyansa (Sa frustrated murder case)

KUSANG sumuko sa Manila Police District si Edgar Motabato, dating miyembro ng Davao Death Squad (DDS), makaraan maglagak ng P200,000 piyansa sa Manila RTC, sa kasong frustrated murder sa Digos City, Davao Del Sur, kasalukuyang nananatili sa nasabing himpilan, habang hinihintay ang release order mula sa korte. (BONG SON)

KUSANG sumuko sa Manila Police District si Edgar Motabato, dating miyembro ng Davao Death Squad (DDS), makaraan maglagak ng P200,000 piyansa sa Manila RTC, sa kasong frustrated murder sa Digos City, Davao Del Sur, kasalukuyang nananatili sa nasabing himpilan, habang hinihintay ang release order mula sa korte.
(BONG SON)

NAGLAGAK ng piyansa sa Manila Regional Trial Court (RTC), si self-confessed hitman Edgar Matobato, umaming miyembro ng Davao Death Squad (DDS), kahapon.

READ MORE:  PNP nakatutok sa high profile cases — Palasyo

Ang paglalagak ng P200,000 piyansa ng akusado ay kasunod ng warrant of arrest na ipinalabas ni Judge Carmellita Sarno-Davin, Presiding Judge ng Regional Trial Court Branch 19, ng 11th Judicial Region Digos City, Davao del Sur.

READ MORE:  4 obrero patay sa aksidente sa Bacolod (14 pa sugatan)

Makaraan magpiyansa, nagtungo sa tanggapan ni Manila Police District director, Chief Supt. Joel Napoleon Coronel, si Matobato kasama ang kanyang abogado, at ineskortan ng mga tauhan ni Supt. Jackson Tuliao.

Sa panayam, inamin ng kampo ni Matobato, minabuti nilang sa Manila court maglagak ng piyansa dahil sa paniniwalang magiging patas sa kanila ang mga awtoridad.

READ MORE:  Pulis o sundalo ‘di makukulong sa drug war – Duterte

Makaraan ang pagharap sa media, agad isinalang sa booking process ng MPD si Matobato, gaya ng finger printing at pagkuha ng mugshot.

Kaugnay nito, inilinaw ni Coronel, habang wala pang release order na ipinalalabas si Judge Sarno-Davin, mananatili si Matobato sa kostudiya ng MPD warrant section.

Noong 2 Marso  2017, inisyu ni Judge Sarno-Davin ang warrant of arrest laban kay Matobato, at isang Atty. Norberto P. Sinsona, dahil sa kasong frustrated murder.

(LEONARD BASILIO)

COMMENTS

About Leonard Basilio

Scroll To Top
 

Copyright hatawtabloid.com | All Rights Reserved