Sunday , September 23 2018
Breaking News
You are here: Home / Opinion / Kapit-tuko sa puwesto si Kit
Kapit-tuko sa puwesto si Kit

Kapit-tuko sa puwesto si Kit

DAPAT lang na magbitiw na si Rep. Kit Belmonte bilang chairman ng House committee on land use kung may natitira pa siyang kahihiyan matapos bumoto kontra sa death penalty bill o House Bill 4727 na isinusulong ng administrasyon.

Ano pa ang hinihintay nitong si Kit, Pasko? Ngayon pa lang, dapat ay nagbibitiw na siya sa kanyang puwesto sa mga komiteng kanyang hinahawakan. Nakahihiyang pinakikinabangan niya ang kanyang posisyon pero salungat siya sa mga priority bills ng house leadership.

Kung talagang may prinsipyo itong si Kit, hindi lang ang committee chairmanship ang kanyang dapat bitiwan kundi dapat na rin siyang kumalas sa super majority ng Kamara.  Liberal Party siya ‘di ba?

Dapat lumipat na kaagad si Kit sa independent minority bloc sa Kamara kung talagang gusto niyang ipakita na hindi niya masikmura ang palakad ng house leadership.  Ang problema, hindi niya ito magawa dahil nakikinabang pa rin siya sa lahat ng biyayang nakukuha bilang bahagi ng super majority.

Ang dapat na inaasikaso ni Kit, ay kanyang mga constituent dahil baka hindi niya alam talamak pa rin ang droga sa lugar na kanyang nasasakupan bilang kongresista ng 6th district ng Quezon City.

Kung hindi alam ni Kit ay iisa-isahin ko sa kanya ang mga barangay na hanggang ngayon ay patuloy ang bentahan ng droga. Simulan natin sa Baesa, Balon-bato, Culiat, Apolonio Samson, Pasong Tamo, Sangandaan, Sauyo, Talipapa, Tandang Sora hanggang sa Unang Sigaw, talamak ang droga sa mga lugar na ‘yan.

Kung tutuusin, masipag lang si Kit sa pagka-kabit ng kanyang mga tarpaulin ng pagbati kung may okasyon sa kanyang nasasakupan, pawang pagmumukha niya ang makikitang nakasabit sa mga poste, kawad ng koryente at pader sa QC.

At tumigil-tigil na sana si Kit sa kanyang porma at asta na tila isang bastonero kapag nagkakaroon ng mga committee hearing sa House.  Gusto yatang palabasin nitong si Kit na antigo na siyang kongresista. Boy, marami ka pang kakainin!

Kaya nga, hindi nangangahulugan ang bo-tong “no” ni Kit ay sentimyento ng kanyang mga constituent sa ika-anim na distrito ng QC.  Maraming maliliit na mamamayan ang patuloy na binubulabog at ginugulo ng mga adik at pusher sa kani-kanilang mga lugar o tahanan.

Itigil na ni Kit ang kanyang propaganda sa Kamara, at mabuting gawin niya ay ‘bumaba’ sa lugar na kanyang nasasakupan para makita niya kung paano nagpapatuloy ang kalakalan ng droga sa kanyang distritong nasasakupan.

SIPAT – Mat Vicencio

COMMENTS

About Mat Vicencio

Scroll To Top
 

Copyright hatawtabloid.com | All Rights Reserved