Sunday , November 18 2018
Breaking News
You are here: Home / News / ‘Pic-release’ bisyo ng OPS
‘Pic-release’ bisyo ng OPS

‘Pic-release’ bisyo ng OPS

BISYO na ito!

Ito ang madalas na nagiging biruan sa hanay ng mga mamamahayag sa Malacañang dahil sa tila kostumbreng batugan ng mga tanggapan na namamahala sa pagtatala ng mga aktibidad ni Pangulong Rodrigo “Digong” Duterte.

Kahapon, imbes pormal na press release, retrato ng appointment papers na itinalaga ng Pangulo si Court of Appeals Associate Justice Noel Tijam, bilang bagong associate justice ng Korte Suprema, ang nakarating sa mga miyembro ng Malacañang reporters.

READ MORE:  2 dalagita hinalay nina kuya at tatay

Pinalitan ni Tijam ang nagretirong si Associate Justice Arturo Brion.

Pero hindi ang appointment ni Tijam ang naging tampok para sa mga mamamahayag na nagko-cover sa Palasyo kundi ang  kostumbre ng tanggapan ni Presidential Spokesperson Ernesto Abella, na maglabas sa media ng mga larawan ng appointment papers ng presidential appointees, imbes isang maayos at pormal na kalatas para ipabatid sa publiko ang mga kaganapan sa Malacañang.

READ MORE:  Bomb threat sa malls hoax – PNP

Hindi lang ang appointment paper ni Tijam ang natanggap na retrato ng Palace reporters, kamakailan ay tinadtad ng tanggapan ni Abella ng retrato ng 22 apppointment papers, na nilagdaan ni Pangulong Duterte, ang electronic mail o Viber group ng mga mamamahayag ng Malacañang.

“Sa mga nakaraang administrasyon, pagkatapos ng presidential activity o matapos magtalaga ng bagong opisyal ang Pangulo, may kasunod agad na press statement mula sa Presidential News Desk, ngayon, puti na ang mga mata ng media , wala pa ang kalatas,” anang naghihimutok na Palace reporter.

READ MORE:  Babala ni Digong: 20 NDFP consultants ‘madidisgrasya’ kapag ‘di sumuko

Magugunitang inihiwalay ang Office of the Presidential Spokesperson mula sa Presidential Communications Operations Office (PCOO), sa isang memorandum na inilabas ni Communications Secretary Martin Andanar.

Hinihintay na lagdaan ni Pangulong Duterte ang isang executive order na magbabalik sa dating Office of the Press Secretary (OPS) sa PCOO.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved