Friday , November 16 2018
Breaking News
You are here: Home / Bulabugin / IACAT region 6 dedma sa illegal Chinese workers sa aklan!? (Attention: SoJ Vitaliano Aguirre)
IACAT region 6 dedma sa illegal Chinese workers sa aklan!? (Attention: SoJ Vitaliano Aguirre)

IACAT region 6 dedma sa illegal Chinese workers sa aklan!? (Attention: SoJ Vitaliano Aguirre)

Bakit tila raw tikom ang bibig ng members ng IACAT diyan sa Region 6 partikular sa probinsiya ng Aklan tungkol sa sandamakmak na illegal Chinese workers ng isang ginagawang dam sa bayan ng Madalag!?

Balita natin puro dispalinghado ang papeles ng mga tsekwang nagtatrabaho riyan?!

Hindi ba nga at super aktibo ang IACAT diyan lalo na ‘yung isang Fixcal ‘este’ Fiscal Gonzales na mahilig sumawsaw sa mga operation ng PNP at NBI?

Matagal na raw alam nina Fiscal ang mga aktibidad na gaya nito, riyan sa ginagawang dam pero hanggang ngayon ay wala pa rin ginagawang aksiyon para itam ‘yan?

Magkano ‘este anong dahilan!?

Hindi kaya nabahag ang buntot nila dahil balita natin ay protektado ng mga matataas na tao ang Chinese workers?

Kaya naman pala hindi nakapagtataka kung bakit pag maliitang trabaho gaya ng sinasabi nilang entrapment kuno sa Kalibo airport ay mabilis pa sa alas kuwatro na sumusugod ang mga kupalyero ‘este kabalyero!?

Dahil ba mas madaling magkaroon ng pogi points pag ang involve ay mga dayo o di kaya naman ay mga pipitsuging trabaho?!

Pang-small time lang pala ang kaya nitong mga kolokoy!?

O ngayong alam nang lahat na may misteryo pala sa ginagawang dam diyan sa bayan ng Madalag, Aklan, patuloy pa rin bang itatago nina Fiscal Gonzales ang impormasyon na ‘yan kay SOJ Vitaliano Aguirre?

Dapat makarating kay SOJ Vitaliano Aguirre ang issue na ito at baka sakaling maaksiyonan agad!

Para naman sa mga taga-IACAT at kay Fiscal Gonzales, iniiwasan ba ninyong pasadahan ang illegal Chinese workers sa infrastructure project na ‘yan!?

Haleeer!!!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
READ MORE:  C/Supt. Elmer Jamias at C/Supt. Francisco Balagtas hinihintay na sa MPD

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved