Tao pa ba ang turing sa inmates ng Cebu jail?!

Nalulungkot tayo sa naganap na pagpapahubad sa mga preso ng Cebu jail.

Ang alam natin, ang bawat detention cell, jail o penology ay may layuning tulungang makabalik ang isang preso sa normal na buhay sa kanilang paglaya.

Pero kung sa loob ng kulungan ay hindi sila itinuturing na tao, ano ang gagawin niya sa kanyang paglaya?

Hindi ang maramihang inspeksiyon sa hubo’t hubad na preso ang magpapatigil sa sindikato ng droga sa loob ng kulungan.

Ang kailangan dito ay matalas na intelligence network sa loob mismo at sa hanay mismo ng mga preso.

Kahit araw-araw pang paghubuin ang mga preso, o kung gusto ninyo huwag na ninyong damitan, e hindi pa rin matitigil ang operasyon ng mga ilegalista kung hindi masusukol kung sino ang puno, saan nagmula at higit sa lahat kung gaano na kalawak ang operasyon.

Kung malalim at matagal na ang operasyon, hindi rin ganoon kadaling mawawakasan ‘yan.

Higit nating kailangan ngayon ang mga ulong nag-iisip, hindi lakas ng braso na gagamitin sa pagmamalupit.

‘Yun lang po, PDEA-7 Director Yogi Filemon Ruiz!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap