Wednesday , September 19 2018
Breaking News
You are here: Home / Showbiz / Christopher takot sa dugo, Gladys sa anesthesiologist nagpapasaklolo
Christopher takot sa dugo, Gladys sa anesthesiologist nagpapasaklolo

Christopher takot sa dugo, Gladys sa anesthesiologist nagpapasaklolo

SA darating na Mayo inaasahan ni Gladys Reyes na isisilang niya ang ikaapat nilang supling ng asawang si Christopher Rojas by caesarean section.

Kuwento ni Gladys sa amin nang magsilbi siyang guest co-host sa Cristy Ferminute noong Miyerkoles ng hapon, “Nabanggit ko nga kay Juday (Judy Ann Santos) na sa May ako manganganak. Sabi niya, ‘O, mukhang magiging ka-birthday ko pa. Kung ganoon, mabait ‘yang magiging baby n’yo,” sabay haplos sa bahagyang maumbok na tiyan ni Gladys.

Biro namin, hindi kaya posible ring maging ka-birthday ng kanilang fourth baby ni Christopher ang kanyang manager, si ‘Nay Lolit Solis? “Ha! Ha! Ha! Puwede rin,” sagot ng mahusay at mabait na aktres.

Samantala, alam n’yo bang sa tatlong panganganak ni Gladys ay wala ni minsan sa kanyang tabi ang asawa?

“Naku, ‘yang asawa ko, takot sa dugo. Eh, ‘di ba, CS nga ako? Kaya sa tatlong panganganak ko, ang hawak-hawak ko, eh, ‘yung anesthesiologist ko. Naloloka nga ang OB-gyne ko, eh. Kasi local anaesthesia naman kaya daldal ako ng daldal habang binibiyak ang tiyan ko. Ha! Ha! Ha!”

Ang mas lalo pang kapana-panabik sa buhay-may-asawa ni Gladys ay ang nalalapit ding pagdiriwang nila ni Christopher ng 25th wedding year ngayong taong ito. “By then, ilang months na rin ‘yung fourth baby namin kaya exciting na kasama namin ni Christopher ang lahat ng aming mga anak,” sabi pa niya.

HOT, AW! – Ronnie Carrasco III

COMMENTS

About Ronnie Carrasco III

Scroll To Top
 

Copyright hatawtabloid.com | All Rights Reserved