Wednesday , September 26 2018
Breaking News
You are here: Home / Showbiz / Mocha, ipinangalandakan pa ang pagdo-donate sa DSWD
Mocha, ipinangalandakan pa ang pagdo-donate sa DSWD

Mocha, ipinangalandakan pa ang pagdo-donate sa DSWD

TULAD ng kanyang ipinangako, ibinigay nga ni Mocha Uson ang kanyang (unang sahod) sa DSWD bilang board member ng MTRCB.

Mismong ipinost niya ang litrato ng suweldong tinanggap niya (P60,500) sa kanyang social media account. May kuha rin siya ng resibong ipinambili niya ng mga grocery item na nagkakahalaga ng mahigit P51,000.

Hati ang reaksiyon ng netizens, mas marami kasi ang desmayado sa ginawang ‘yon ni Mocha.

Any act of charity is noble, no question about that. Pero ang ibuyangyang ito for all the world to see diminishes the intention.

Bakit kailangang i-post pa ni Mocha ang resibo ng mga ipinamili niya, does she need the receipt for BIR purposes? Hindi ba’t malinaw na pangangalandakan ‘yon ng kanyang good deeds, na maaari namang hindi na isinapubliko?

READ MORE:  Erik Santos sinang-ayunan si Vice, mga hurado may iba-iba ring desisyon

By posting her act of charity, inaasahan ba ni Mocha na dadagsain siya ng mga papuri, ito ang isang taong mapagkawanggawa na sa halip na gastusin sa kanyang pangangailangan ang perang pinagpaguran ay inilaan pa sa mga mas nangangailangan, therefore, mabuhay si Mocha!

Kung ganoon, wala rin palang ipinagkaiba si Mocha sa marami sa atin na gumagawa rin ng acts of charity. Pangalawa na lang, kung tutuusin, ang pagkakawanggawa.

Self-gratifying act ang kanilang ginagawa, hindi para sa ibang tao.

Binubusog muna nila ang kumakalam nilang sikmurang gutom sa paghanga at mataas na tingin ng tao.

READ MORE:  John Lloyd, nahirapan sa pagbuhay kay Popoy

Ang isang tapat, taospuso at sinserong pagkakawanggawa ay basta na lang natin nababalitaan mula sa ibang tao, hindi sa mismong taong gumagawa ng kabutihan sa kapwa.

Iilan nga lang ang mga taong gumawa na’t lahat ng acts of charity ay ayaw pang ipabanggit ang kanilang mga pangalan. Ilang telethon sa tuwing magdaraan ang mapaminsalang sakuna o kalamidad sa ating bansa na ang ating napapanood?

May mga volunteer na hindi magkamayaw sa pagsagot ng mga sunod-sunod at nagsasalimbayang tawag sa nakahilerang telepono, nililista nila ang halaga (o pledges) pa lang ng mga donor o anupamang gamit o bagay na ibinigay nila at pangalan ng mga ito.

READ MORE:  Marian at Heart, tiyak na magkakasama sa campaign sorties

Sa mga susunod na segment ay may graphics na ng donors’ names.

Pero kapansin-pansin na may ilan sa ating mga kababayan na pinipiling maging “anonymous.” Sila ‘yung ayaw magpabanggit ng kanilang pagkakilanlan. Sapat nang may naibahagi silang tulong, pera man o hindi.

Ang mga ito ang dapat pamarisan ni Mocha if at all ay nais niyang kumbinsihin ang taumbayan na tapat ang kanyang hangaring gumawa ng kabutihan sa kapwa.

Mapa-reklamo sa mga kabaro niya sa MTRCB, mapa-usaping kawanggawa, sa social media agad ang ginagamit niyang behikulo?

‘Kalurkey!

HOT, AW! – Ronnie Carrasco III

COMMENTS

About Ronnie Carrasco III

Scroll To Top
 

Copyright hatawtabloid.com | All Rights Reserved