Friday , March 29 2024
plane Control Tower

Korean Air flight nag-emergency landing sa NAIA

NAPILITANG mag-divert sa Manila at mag-emergency landing sa Ninoy Aquino International Airport (NAIA) ang Korean Air flight patungong Incheon mula Singapore, bunsod ng technical problem, kahapon ng umaga.

Ayon sa ulat mula sa Manila International Airport Authority (MIAA), ang flight KE644, may lulang 290 pasahero at 42 crew, ay ligtas na lumapag dakong 2:05 am.

Ayon sa MIAA, iniulat ng flight crew ng KE644, na ang cockpit ay naglabas ng alarma, nagsasaad ng problema sa passengers’ cabin.

Ang aircraft ay may passenger cabin security alert system upang maalerto ang mga piloto sa flight deck, sa potensiyal na delikadong sitwasyon sa passenger cabin.

Agad inabisohan ng flight crew ang pinakamalapit na international airport sa Maynila, gayondin ay humiling ng clearance para sa emergency landing.

Mabilis na nagresponde ang airport emergency teams, at fire and rescue division nang lumapag ang eroplano, habang ang aircraft engineers at technicians ay ininspeksiyon ang cabin upang madertemina ang sanhi ng problema.

Ayon sa MIAA, dinala nila ang lahat ng mga pasahero at crew sa NAIA terminal 1 para sa kanilang kaligtasan dakong 2:55 am, habang masusing ininspeksiyon ang eroplano.

Sinabi ng MIAA, nabatid ng aircraft technicians na ang problema ay sa “QSEB Box Seat 14B” ng eroplano, ngunit hindi nagbigay ng iba pang detalye.

Dakong 4:10 am, sinabi ng MIAA, ang flight KE644 ay pinahintulutang lumipad makaraan matiyak ng aircraft technicians na wala nang problema, at idineklarang ligtas nang bumiyahe ang eroplano. (JSY)

About JSY

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *