Friday , September 21 2018
Breaking News
You are here: Home / Opinion / NUJP nanawagan: pagpaslang kay Jun Pala imbestigahan
NUJP nanawagan: pagpaslang kay Jun Pala imbestigahan

NUJP nanawagan: pagpaslang kay Jun Pala imbestigahan

MAY dapat bang pagtalunan?!

Ilang mga katoto ang kahuntahan natin nitong Biyernes tungkol sa isyu na nais paimbestigahan ng National Union of the Journalists on the Philippines (NUJP) ang pagpaslang kay Jun Pala, ang hard-hitting commentator na nakabase sa Davao, na sinabi ng retiradong pulis na si Arthur Lascañas na ipinapaslang ni noo’y Davao mayor  at ngayon ay Pangulong Rodrigo “Digong” Duterte.

Lahat sila ay sang-ayon na imbestigahan ang nasabing pamamaslang dahil ang isyu rito, may mamamahayag na pinaslang.

Wala naman sigurong personalan rito, maliban kung ito ay instigasyon ng ilang grupo na hindi matanggap na inilampaso sila ni Pangulong Duterte?

Sa isang banda, ito ay isang pagkakataon din para patunayan na walang Davao Death Squad (DDS), kung wala talaga.

022617 Jun Pala

At kung si dating mayor at ngayon ay Pangulong Digong ba o hindi ang nagpapaslang kay Pala?

Higit sa lahat, isa rin itong pagkakataon para sa mga mamamahayag na mapatunayang, pagkatapos ng Martial Law, ay mas maraming pinaslang na mamamahayag sa ilalim ng mga administrasyong sinasabing nagbabandila ng demokrasya — pero kupot ang  kalayaan sa pamamahayag.

O ‘di ba, napaka-ironic, na habang sinasabi nang marami na lumaya ang bansa sa kuko ng isang diktador ‘e saka naman naging dalawa-singko ang buhay ng mga mamamahayag, mula noong 1986 hanggang sa kasalukuyan?

At nakasama pa ang Filipinas sa talaan ng pinakamapanganib na lugar sa buong mundo para sa mga mamamahayag.

Kakaiba ‘yan — nagkaroon ng demokrasya — para iwasiwas ang ‘kalayaang’ pumaslang ng mga mamamahayag?

Sa ganang atin, kung talagang walang masasaling sa interes ng kasalukuyang administrasyon sa isyu ng pagpaslang kay Jun Pala,  bakit hindi hayaang imbestigahan?!

Ano sa tingin ninyo, Mr. Presidential Legal Adviser, Secretary Panelo?!

11.3 MILYONG PINOY
WALANG TRABAHO

022617 people crowd silhouettes blind

Ganyan na raw karami ang mga walang trabaho sa ating bansa, batay sa pinakahuling survey ng Social Weather Station (SWS) nitong huling kuwarta ng 2016.

Ito raw ang pinakamataas sa huling dalawang taon.

Sa kabila nito, nakapagrehistro naman umano ng mataas na pag-asa na maraming trabahong nag-aabang sa mga jobless kompara sa nakalipas na dalawang dekada.

Sa survey na ginawa nitong 3-5 Disyembre 2016, umabot sa 25.1 porsiyento ng 1,500 adult respondents ang jobless, 6.7 punto pataas mula sa 18.4 porsiyento o tinatayang 8.2 milyong jobless na Pinoy noong Setyembre.

Ito umano ang pinakamataas mula noong Disyembre 2014 na nakapagtala ng 27% joblessness rate.

Ang tanong, bakit ganito karami ang walang trabaho, Labor Secretary Silvestre Bello?

Bilang kabilang sa GRP panel for peace process, alam na alam dapat ninyo na ang isang dahilan ng rebelyon ay kawalan ng trabaho at oportunidad na makapamuhay nang masagana ang isang mamamayang Filipino.

Sa madaling sabi, ang bawat mamamayang Filipino na walang trabaho ay nalulublob sa labis na kahirapan.

At ang kahirapang ‘yan ay tila kumunoy na kapag na-swak diyan ay hindi na makaaahon at doon na mamamatay.

Naniniwala tayo, na ang mga Pinoy, bilang Asyano ay matatag at matiisin. Kaya nga may kasabihang, “habang maikli ang kumot ay magtiis mamaluktot” pero hindi siguro ibig sabihin niyan na hanggang mamatay ang pobre nating kababayan ay nagtitiis sa kahirapan?!

Sukdulang ‘kamalasan’ naman yata ‘yan na parang walang maasahan sa mga namumuno sa pamahalaan ang isang dukha para maiangat ang antas ng kanilang pamumuhay?

Malapit na po kayong mag-isang taon sa puwesto ninyo Secretary Bello. At hindi naman kayo bago sa serbisyo publiko, puwede bang pataasin naman ninyo ang antas ng performance ninyo sa ilalim ng administrasyon ng pangulo na naghahangad na makapaghatid ng isang ‘tunay na pagbabago’ sa maliliit nating mga kababayan?!

Puwede bang tulungan ninyo si Tatay Digs na huwag mawalan ng mukha sa maliliit nating kababayan?!

Puwede ba iyon, Secretary Bello?!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved