Tuesday , March 19 2024

Written In Our Stars, shelved na

TULUYAN nang na-shelve ang seryeng Written In Our Stars nina Piolo Pascual, Sam Milby, Jolina Magdangal, Marco Masa, at Toni Gonzaga mula sa Dreamscape Entertainment.

Noong 2015 pa ito nakakasa at planong iere noong 2016 pero nahinto ang taping ng buong cast dahil nabuntis si Toni na inanunsiyo niya noong Abril 2016.

Marami ang nanghinayang dahil ang ganda pa naman ng concept bukod pa sa nakapag-shoot na sila para sa dalawang linggong episodes at maging ang advertisers ay gandang-ganda sa Written In Our Stars na ipinapanood sa kanila ang trailer sa trade launch noong 2015.

Nangako naman si Toni na balik-trabaho na siya ng Disyembre 2016 kaya magagawa na niya ang Written In Our Stars kaya naman natuwa na ang ibang cast dahil finally balik-taping na sila.

Maging si Piolo ay masayang nag-post din ng litrato nila ni Toni na magkasama sa sasakyan noong Enero 12, 2017 at may caption na gusto pa rin nilang ituloy ang Written In Our Stars dahil maganda ang kuwento.

May nagsulat ding ngayong 2017 na ito mapapanood kapalit ng seryeng magtatapos ng 3rd quarter ng taon.

Kahapon habang nagtitipa kami ay nalaman naming shelved na nga ang project dahil sa pelikula na magkakasama sina PJ at Toni mula sa direksiyon ni Binibining Joyce Bernal produced ng Star Cinema.

Base sa panayam kay direk Joyce ng ABS-CBN sa ginanap na storycon ng pelikula noong Pebrero 23, “dalawang taong magwawasakan. Magkikita sila sa unlikely hour ng isang araw and then,” biting sabi ng direktor.

Ayon kay PJ, “bsically, kung hindi dumating yung isa’t isa sa buhay ng isa’t isa, maraming puwedeng mangyari.

“So by chance, something happened for a reason. They’re on the verge of giving up on life tapos na-meet nila yung isa’t isa, ‘yun ang naging reason nila to live again. Each other gave them a reason to live.”

Sabi rin ni Toni, “sobrang hopeful niyong movie. It gives us hope na in life, there are circumstances na hindi natin maabot but we keep on fighting for it.

“Actually, ‘yung sinasabi namin ngayon nila Direk Joyce, napaka-vague pa niya kasi ‘pag sinabi na namin ‘yung buong story, baka hindi na nila panoorin. Basta exciting.”

Wala namang maisagot si Mrs. Paul Soriano sa tanong kung ang pelikulang pagsasamahan nila ni Piolo ang kapalit ng Written In Our Stars.

“Hindi ko masagot. Hindi ko masasagot pa. But for now, we will work on this,” sambit pa ni Toni.

FACT SHEET – Reggee Bonoan

About Reggee Bonoan

Check Also

Nadine Lustre Pia Wurtzbach

Nadine bumida sa Bulgari Studio Event

MATABILni John Fontanilla AGAW-EKSENA si Nadine Lustre nang dumalo sa Bulgari Studio Event na ginanap sa Seoul South Korea …

blind item

Male sexy star sustentado ng showbiz netizen

ni Ed de Leon MAY tsismis na nagkita raw muli ang isang dating male sexy star at …

Heart Evangelista Chiz Escudero

Heart muling dinamdam ‘di natuloy na ‘pagbubuntis’

HATAWANni Ed de Leon INAMIN ni Heart Evangelista na talagang sumama ang kanyang loob nang hindi magbunga …

Andres Muhlach Atasha Muhlach Juliana Gomez

Atasha, Andres, Juliana umaarangkada ang mga career

HATAWANni Ed de Leon UMAARANGKADA ngayon ang anak ng mga artista. Iyong kambal ni Aga Muhlach na …

Brandon Melo Take Me To Banaue Maureen Wroblewitz Thea Tolentino

American actor Brandon Melo nagtatalon nang makita ang Banaue 

RATED Rni Rommel Gonzales TUWANG-TUWA ang American actor na si Brandon Melo sa pagkakataong ibinigay sa kanya …

Leave a Reply

Your email address will not be published. Required fields are marked *